Өфөлә ҡаланың төп шыршыһын ҡабыҙҙылар

Өфө, 2016 йыл, 28 декабрь. /«Башинформ» мәғлүмәт агентлығы, Әлим Фәйезов/. Өфөлә Ленин майҙанында уҙған кис ҡаланың төп шыршыһын ҡабыҙҙылар, шунда уҡ тантаналы рәүештә боҙ ҡаласығын астылар.

Байрамға ата-әсәләре менән килгән балалар өсөн йәнһүрәт геройҙары күңелле уйындар уҙғарҙы, был юлы театрлаштырылған тамашаның төп персонажы – Ҡыш бабайҙың Тылсымлы тоғо булды. Ҡаланың халыҡ ансамблдәре йыр һәм бейеүҙәр менән ҡунаҡтарҙың күңелен күрҙе. Шыршы уттарын ҡабыҙыу – байрамдың кульминацияһы ине. Байрам Ҡыш бабай һәм Ҡарһылыу менән бергәләп шыршы тирәләй әйләнеү, йырҙар йырлау менән тамамланды, тип хәбәр иттеләр ҡала хакимиәтенең матбуғат хеҙмәтенән.