Баш ҡалала халыҡ-ара конференцияла йәштәрҙең мәшғүллеге мәсьәләләрен тикшерәләр

Башҡортостан Хеҙмәт һәм халыҡты социаль яҡлау министрлығы сайтынан

IMPORT Сервисный

ӨФӨ, 2016 йыл, 7 апрель. /«Башинформ» мәғлүмәт агентлығы, Әлим Фәйезов/. Кисә Өфөлә йәштәрҙең мәшғүллеге мәсьәләләренә арналған халыҡ-ара конференция асылды. Сараның инициаторы — Халыҡ-ара хеҙмәт ойошмаһы. Өфө конференция уҙғарыу майҙансығы итеп осраҡлы һайланмаған. Халыҡ-ара хеҙмәт ойошмаһы вәкилдәре 25-26 ғинуарҙа Башҡортостанда үткән БРИКС илдәре хеҙмәт һәм мәшғүллек министрҙары осрашыуын юғары баһаланы һәм Өфөлә юғары кимәлдәге тағы ла бер сара ойоштороу тураһында ҡарар ҡабул итте.

Башҡортостан Хеҙмәт һәм халыҡты социаль яҡлау министрлығының матбуғат хеҙмәтендә хәбәр итеүҙәренсә, өс көн барасаҡ конференцияның темаһы — «Йәштәрҙең мәшғүллеге өлкәһендәге сәйәсәткә һәм программаға үҙ-ара эксперт баһаһы». Йәштәрҙең мәшғүллеге проблемаларын тикшереү өсөн баш ҡалаға Ҡырғыҙ Республикаһы, Тажикстан Республикаһы, шулай уҡ Төмән өлкәһе, Пермь крайы, Ямал-Ненец һәм Ханты-Манси автономиялы округтары вәкилдәре килгән. Ошо мөһим сарала Рәсәй Сәнәғәтселәр һәм эшҡыуарҙар союзы, Рәсәй Бойондороҡһоҙ профсоюздар федерацияһы вәкилдәре, эш биреүселәр, мәғариф ойошмалары ла ҡатнаша.

Конгресс-холда халыҡ-ара конференцияны асып, Башҡортостан Хөкүмәте Премьер-министры урынбаҫары Салауат Сәғитов күтәрелгән теманың актуаллеген билдәләне. «Йәштәрҙең белемдәрен практикала ҡулланыуға түгел, ә хеҙмәт хаҡына ынтылыуы ҙур амбицияларға һәм юғары талаптарға килтерә, шуға күрә уҡыу йорттарын тамамлаусыларҙы эшкә урынлаштырыу, ысынлап та, республикабыҙҙа һәм Рәсәйҙә генә түгел, бөтә донъяла киҫкен проблема булып тора», — тип һыҙыҡ өҫтөнә алды вице-премьер.

Рәсәй Хеҙмәт һәм халыҡты социаль яҡлау министрлығының Халыҡ мәшғүллеге департаменты директоры Михаил Кирсанов үҙ сығышында Өфө һуңғы ваҡытта йәштәрҙең мәшғүллеге һорауҙары буйынса халыҡ-ара фекер алышыу үҙәгенә әүерелеүен билдәләне. «Һуңғы йылдарҙа йәштәрҙә өлкән быуын яғынан конкуренция барлыҡҡа килә, сөнки хәҙер, ун йыл элекке менән сағыштырғанда, Рәсәйҙә уҡыу йорттарын тамамлаусылар ун тапҡырға аҙыраҡ. Икенсе яҡтан, йәштәрҙә, ысынлап та, эшкә юғары талаптар күҙәтелә, шуға күрә уҡыған саҡта уҡ уларҙы хеҙмәт баҙарына йүнәлтергә тейешбеҙ», — тип билдәләне Михаил Кирсанов.

Конференция барышында Башҡортостандың хеҙмәт һәм халыҡты социаль яҡлау министры Ленара Иванова ҡунаҡтарҙы төбәктең социаль-иҡтисади хәле менән таныштырҙы, республикала мәшғүллек хеҙмәттәре, эш биреүселәр һәм профессиональ ойошмалар менән берлектә ғәмәлгә ашырылыусы проекттар, йәштәр менән эш перспективалары хаҡында һөйләне.

Конференцияның төп инициаторы — Халыҡ-ара хеҙмәт ойошмаһы. Был Берләшкән Милләттәр Ойошмаһының махсуслаштырылған учреждениеһы, унда донъяның 200-гә яҡын иле ҡатнаша. Ҡунаҡтар әйтеүенсә, Өфөлә үткән конференция йомғаҡтары буйынса йәштәрҙе эшкә урынлаштырыу мәсьәләләрен хәл итеүҙең уңышлы практикаһы буйынса белешмә донъя күрәсәк, һуңынан ул Рәсәй төбәктәрендә һәм башҡа илдәрҙә лә таратыласаҡ.

#йәштәрҙең мәшғүллеге #конференция

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.