Республика вәкиле — «Абилимпикс Рәсәй-2015» инвалидтар өсөн һөнәри оҫталыҡ чемпионаты призеры

Башҡортостан Хеҙмәт һәм халыҡты социаль яҡлау министрлығы сайты

IMPORT Сервисный

ӨФӨ, 2015 йыл, 8 декабрь. /«Башинформ» мәғлүмәт агентлығы, Эльмира Сабирова/. Башҡортостан вәкиле «Абилимпикс Рәсәй-2015» инвалидтар өсөн тәүге һөнәри оҫталыҡ чемпионаты призеры булды. Бөтә Рәсәй инвалидтар йәмғиәтенең Башҡортостан республика ойошмаһы ағзаһы Гүзәл Иҫәнбаева «Тегенсе» номинацияһында өсөнсө урын яуланы, тип хәбәр иттеләр Башҡортостан Хеҙмәт һәм халыҡты социаль яҡлау министрлығының матбуғат хеҙмәтендә.

Ноябрҙә Салауат ҡалаһында уҙған һайлап алыу ярыштарында Гүзәл бер юлы ике призлы урын алды («Тегенсе» һәм «В» категориялы автотранспорт йөрөтөү» номинацияларында икенсе һәм өсөнсө урындар).

«Абилимпикс-Рәсәй 2015» һөнәри оҫталыҡ чемпионаты Мәскәү өлкәһендә ойошторолдо, унда 27 төбәктән 300 ҡатнашыусы килде. Улар өс көн буйына Красногорскиҙа «Крокус-Экспо» күргәҙмәләр үҙәге майҙанында 30 йүнәлеш буйынса ярышты.

«Был чемпионат бер кемдең дә мөмкинлектәре сикле булмауын күрһәтә. Дизайнерҙар, ашнаҡсылар, парикмахерҙар, иретеп йәбештереүселәр — барыһы ла бер урында», — тип билдәләне «Абилимпикс Рәсәй» автономлы коммерцияға ҡарамаған ойошманың президенты Лидия Фролова.

Еңеүселәр милли йыйылма команда составында киләһе йылдың мартында Францияның Бордо ҡалаһында үтәсәк «Абилимпикс» IX халыҡ-ара чемпионатында Рәсәй исеменән сығыш яһай.

Ярыштарҙан тыш, чемпионат сиктәрендә инвалидтарҙың йәмғиәттә берләшеүенә, белем алыу мөмкинлегенә, эшкә урынлаштырыуға һәм хеҙмәтте һаҡлау үҙенсәлектәренә арналған түңәрәк өҫтәлдәр һәм дискуссия майҙансыҡтары ойошторолдо.

1 из 1

#социаль яҡлау #инвалидтар #һөнәри оҫталыҡ чемпионаты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.