Республикала 700-ҙән ашыу кеше географик диктант яҙҙы

автор фотоһы

IMPORT Сервисный

ӨФӨ, 2015 йыл, 2 ноябрь. /«Башинформ» мәғлүмәт агентлығы, Евгения Сюткина/. 1 ноябрҙә Башҡортостанда, илдең башҡа төбәктәрендәге кеүек үк, Бөтөн Рәсәй географик диктанты уҙҙы. Акцияла республикабыҙҙан 700-ҙән ашыу кеше ҡатнашты. «Минең илем — Рәсәй» диктанты М.Аҡмулла исемендәге Башҡорт дәүләт педагогия университетында һәм Башҡорт дәүләт университетында, шулай уҡ Белоретта үтте.

Диктанттың тексында географик атамаларға, терминдарға, карталағы географик объекттарҙың урынлашыуына ҡағылышлы 25 һорау булды.

БДПУ-ғы аудиторияларҙың береһендә Башҡортостандың тәбиғәттән файҙаланыу һәм экология министры Илдар Һаҙыев, БДПУ ректоры Рәил Әсәҙуллин һәм Рус география йәмғиәтенең төбәк бүлексәһе рәйесе Камил Йыһаншин диктант яҙҙы. Әйткәндәй, улар эштәрен башҡаларҙан алдараҡ тапшырҙы.

Иң бәләкәй ҡатнашыусы Екатерина Радыгинаға алты йәш булһа, иң өлкәне Тамара Петроваға — 80.

«Шуныһы ҡыуаныслы: кешеләр географик диктант менән ҡыҙыҡһына. Бында уҡыусыларҙы, студенттарҙы, эшләп йөрөүселәрҙе, пенсионерҙары күрергә мөмкин. Күбеһенең географияға бер ниндәй ҙә ҡағылышы юҡ. Диктант яҙырға Әбйәлил, Архангел, Ишембай, Ҡырмыҫҡалы, Ауырғазы, Стәрлетамаҡ райондары вәкилдәре килгән. Артабан географик диктант матур йолаға әүерелер тип ышанабыҙ. Бәлки, чиновниктарҙың географияға мөнәсәбәте үҙгәрер, мәктәптәргә төбәк география компонентын кире ҡайтарырҙар», — тип билдәләне Рус география йәмғиәте төбәк бүлексәһенең ғилми секретары Закира Латипова.

Диктант һөҙөмтәләрен 10 декабрҙә Рус география йәмғиәте сайтынан ҡарап белергә мөмкин.

1 из 6

#география #диктант

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.