Понедельник, 25 Мая 2026

Уфа

+17 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:10 (UTC+5), 02 Октября 2015

«Һамар — Өфө — Силәбе» трассаһының Башҡортостандағы участкаһында «Юлға — ауыр йөкһөҙ!» акцияһы уҙа

Мирон Доровских

IMPORT Сервисный

ӨФӨ, 2015 йыл, 2 октябрь. /«Башинформ» мәғлүмәт агентлығы, Розалиә Вәлиева/. 4 октябргә тиклем федераль һәм төбәк юлдарында «Юлға — ауыр йөкһөҙ!» бөтә Рәсәй акцияһы уҙа. М-5 «Урал» трассаһында дәүләт инспекторҙары автомобилдәрҙе ауыр йөк машиналары өсөн үлсәү менән ҡаршы ала. Ошо участкала йөк үлсәү пункты тәүлек әйләнәһенә эшләй.

Йөк үлсәү пункты автомобиль юлының 1542-се саҡрымында урынлашҡан.

— Һәр йөк автомобиле өсөн норма билдәләнгән, — тип һөйләй Башҡортостан буйынса дәүләт автомобиль юлын күҙәтеү идаралығы инспекторы Альберт Яҡупов. — Мәҫәлән, өс күсәрле машинаға — 25, дүрт күсәрле автомобилгә иһә 32 тоннаға тиклем йөк ташырға рөхсәт ителә. Биш күсәрле йөк машинаһына — 40 тонна.

Үлсәү режимын боҙоусылар аҙ. Туҡтатылған фураларҙың күбеһе нормаға ярашлы йөк тейәгән. Йөктәре күберәк булған водителдәргә штраф һалына.

— Транспорт хужалары сикләүҙәр хаҡында белә һәм автомобилдәренә артыҡ йөк тейәргә тырышмай, — ти Альберт Яҡупов.

Шуны билдәләп үтергә кәрәк: ҡағиҙә боҙоусыларға 500 мең һумғаса штраф янай, водителдәрҙән иһә ярты йылға тиклем таныҡлығы тартып алыныуы ихтимал.

2014 йыл йомғаҡтары буйынса юлдарҙағы йөк үлсәү пункттарында миллиондан ашыу ҡағиҙә боҙоу осраҡтары теркәлгән. Ауыр йөк тейәгән машиналарҙың Рәсәй юлдарына килтергән зыян күләме йылына 2,6 триллион һум тәшкил итә.

«Һамар — Өфө — Силәбе» федераль автомобиль юлы идаралығының матбуғат секретары хәбәр итеүенсә, яҡын арала Федераль юл агентлығы федераль юлдарҙа 400 йөк үлсәү пункттары төҙөргә ниәтләй.

1 из 10

#росавтодор #акция

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.