Понедельник, 4 Мая 2026

Уфа

+9 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:38 (UTC+5), 01 Сентября 2014

Рөстәм Хәмитов: Башҡортостан кадет корпусы – яңы төр уҡыу йорто

«Башинформ»

29 августа Ишембайҙа Рәсәй Президентының Волга буйы федераль округындағы Тулы хоҡуҡлы вәкиле Михаил Бабич, Рәсәйҙең транспорт министры Максим Соколов һәм Башҡортостан башлығы Рөстәм Хәмитов Рәсәй геройы А.В.Доставалов исемендәге Башҡортостан кадет корпусында булдылар, тип хәбәр иттеләр төбәк башлығының матбуғат хеҙмәтенән. 2013 йылдың июлендә кадет корпусы «КаДетство» проекты сиктәрендә федераль кимәлдәге белем биреү учреждениеһына үҙгәртелде.

Кадет корпусында бөтәһе 320 кеше белем ала, 44 уҡытыусы эшләй. Кадеттарға етенсе синыфты тамамлап һынау имтихандарын уңышлы тотҡандарҙы ҡабул итәләр. Урта һәм дөйөм белем биреү программаларынан тыш, белем биреү учреждениеһында ҡотҡарыу һәм парашют-десант әҙерлеге буйынса махсус курстар уҡытыла. Кадеттар илдәге көс ведомстволарының юғары уҡыу йорттарында артабан да белем алыу өсөн кәрәк булған юридик һәм хәрби дисциплиналарҙы өйрәнә. Ошондай юғары уҡыу йорттарына быйылғы сығарылыш уҡыусыларының 40 проценттан ашыуы ингән (34 кешенең 14-е).

Кадет корпусы составында уҡыу-уҡытыу корпусы һәм ике ятаҡ бар. Михаил Бабич, Максим Соколов һәм Рөстәм Хәмитов кадеттарҙың йәшәү шарттары менән таныштылар.

Республика адреслы инвестиция программаһы сиктәрендә 2014-2017 йылдарға бында физкультура-сәләмәтләндереү комплексы, 320 урынлыҡ яңы йәшәү корпусы төҙөү, уҡытыу корпустары араһында йылы аралыҡ һалыу, 1-се дөйөм ятаҡты реконструкциялау, ашхананы, тышҡы инженер селтәрен капиталь ремонтлау, территорияны төҙөкләндереү планлаштырылған. Талап ителгән финанс сараларҙың яҡынса суммаһы 503 миллион һум тәшкил итә, уларҙың 80 миллионын федераль бюджеттан алыу күҙаллана.

Кластарҙа кадеттар – взводтар командирҙары менән осрашыу уҙҙы. Кадеттар йәйге каникулдарҙың бер өлөшөн Пензала үткәрҙе, унда улар оборона-спорт сәләмәтләндереү лагерендә булды.

Журналистар менән әңгәмәләшеү барышында Рөстәм Хәмитов, «был ысынлап та белем биреү йортоноң бөтөнләй яңы төрө. Теүәл йыл ярым-ике йылдан бында заманса кампус, яңы дөйөм ятаҡ, спорт ҡоролмаһы, физкультура-сәләмәтләндереү комплексы буласаҡ. Республика өсөн бындай уҡыу-уҡытыу йортоноң барлыҡҡа килеүе бөтә яҡтан да бик мөһим. Эшебеҙ яҡшы барһын өсөн, бөтәһен дә эшләйбеҙ», тип билдәләне.

1 из 16

#кадет корпусы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.