Өфөлә милли баҫмаларҙы үҫтереү перспективаларын тикшерҙеләр

Сергей Захаров

Өфөлә Башҡортостандың Матбуғат һәм киң мәғлүмәт саралары буйынса агентлығы инициативаһы менән башҡорт һәм татар ваҡытлы матбуғат саралары өсөн семинарҙар ойошторолдо. Унда милли баҫмаларҙы үҫтереү проблемалары һәм перспективалары тикшерелде. Сарала республика, ҡала, район гәзиттәренең баш мөхәррирҙәре, тәржемәселәре, «Китап» нәшриәте хеҙмәткәрҙәре ҡатнашты.

Агентлыҡтың матбуғат хеҙмәтенән хәбәр итеүҙәренсә, семинарҙа һөнәри тәжрибә менән уртаҡлаштылар, ваҡытлы матбуғат сараларының йөкмәткеһен һәм сифатын яҡшыртыу буйынса тәғәйен тәҡдимдәр яңғыраны.

Докладтар менән Башҡорт дәүләт университетының башҡорт филологияһы һәм журналистика факультеты уҡытыусыһы, филология фәндәре кандидаты Рәшиҙә Мәһәҙиева, Башҡорт дәүләт педуниверситеты профессоры Миңһылыу Усманова, БДПУ доценты Раушания Гәрәева, БР Матбуғат агентлығы белгестәре, башҡорт һәм татар телендә нәшер ителгән республиканың төп киң мәғлүмәт саралары хеҙмәткәрҙәре сығыш яһаны. Атап әйткәндә, ижтимағи-сәйәси текстарҙы тәржемә итеү үҙенсәлектәре һәм гәзиттәрҙе социаль селтәрҙәргә сығарыу, татар телендәге баҫмаларҙың стилистик һәм жанр төрлөлөгө, башҡорт баҫмаларында телдең лексик үҙенсәлектәре, уҡыусылар менән эшләүҙең яңы формалары тураһында һүҙ барҙы.

— Бындай семинарҙар матбуғат өлкәһендә эшләүсе белгестәрҙең тел квалификацияһын күтәреүҙә бик файҙалы, — тип билдәләне республиканың Матбуғат һәм киң мәғлүмәт саралары буйынса агентлығы етәксеһе урынбаҫары Марат Ғәзизов.

Уның фекеренсә, уҡытыу курстары, беренсе сиратта, район, ҡала һәм берләштерелгән редакцияларҙа башҡорт һәм татар телен яҡшы белгән белгестәр етешмәүе; әҙәби тел нормаларын күҙәтмәү менән бәйле проблемаларҙы хәл итеүгә булышлыҡ итә.

#киң мәғлүмәт саралары #матбуғат #семинар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.