Среда, 15 Апреля 2026
|
Уфа
+12 °С
05:18 (UTC+5), 03 Июня 2013
Рөстәм Хәмитов яңы акушерлыҡ-гинекология корпусын ҡараны
Эльмира Сабирова
Республика клиник дауаханаһының Достоевский урамы, 132 адресы буйынса урынлашҡан яңы биш ҡатлы акушерлыҡ-гинекология корпусы 120 урынға иҫәпләнгән.
Халыҡ-ара балаларҙы яҡлау көнөндә яңы корпусты Башҡортостан Президенты Рөстәм Хәмитов ҡараны. Акушерлыҡ корпусында буласаҡ әсәләр һәм уларҙың сабыйҙары өсөн бөтә уңайлы шарттар булдырылған.
Ғ.Ғ.Ҡыуатов исемендәге Республика клиник дауаханаһының баш табибы Ринат Нагаев корпустың 2010 йылдың декабрендә төҙөлә башлауы хаҡында әйтте.
— Барлыҡ төҙөлөш эштәре тамамланды, медицина ҡорамалдары ла һатып алынды. Киләсәктә дауахананы үҫтереү йәһәтенән поликлиника, ашхана, пансионат һәм махсус автомобилдәр ҡуйыу урынын төҙөргә планлаштырабыҙ, - тине баш табип.
Уның һүҙҙәренсә, барлыҡ санитар саралар үткәрелгәндән һуң, корпус июль урталарында тәүге пациенттарҙы ҡабул итәсәк.
Президентҡа һөйләүҙәренсә, бина һәм унда урынлаштырылған ҡорамалдар заманса талаптарға яуап бирә. УЗИ бүлеге мөдире Наил Кәлимуллин Рөстәм Хәмитовты яңы технологиялар, атап әйткәндә УЗИ 4D мөмкинлектәре менән таныштырҙы. Яңы корпуста VOLUSON E 8 маркалы өс бындай аппарат урынлаштырылған.
Башҡортостан Президенты корпустың неонаталь блогын, операция залдарын ҡараны. Шулай уҡ быйыл бында яңы тыуған сабыйҙар патологияһы бүлеген асыу планлаштырыла.
2011 йылда Республика клиник дауаханаһының бала табыу йортонда - 1500 сабый, 2012 йылда – 1900 сабый тыуған. Дауахана баш табибының акушерлыҡ һәм гинекология буйынса урынбаҫары Марина Мөхәмәҙиева иҫәпләүенсә, яңы акушерлыҡ-гинекология корпусын асыу артабан тыуым күрһәткестәренең артыуына булышлыҡ итәсәк.
Рөстәм Хәмитов билдәләүенсә, яңы корпус төҙөүгә 1,2 миллиард һум аҡса йүнәлтелгән.
— Беҙ артабан да ошо йүнәлештә эшләйәсәкбеҙ. Илдең медицина өлкәһендәге етәкселәре яңы перинаталь үҙәк төҙөү буйынса беҙҙең теләкте хупланы. Төҙөлөш эштәре быйыл башланасаҡ. Яңы үҙәк ҡиммәтерәккә төшәсәк, әммә ул ҡорамалдар менән дә күберәк йыһазландырыласаҡ.
Президент билдәләүенсә, киләһе йылда Октябрьский ҡалаһында ла акушерлыҡ-гинекология үҙәге төҙөлөп бөтәсәк. Әлеге ваҡытта Ишембайҙа бала табыу йортон төҙөү мәсьәләһе хәл ителә.
1 из 18
© 1992-2026 АО ИА «Башинформ».
www.bashinform.ru
www.bashinform.ru
Эл. почта
inf@bashinform.ru
Адрес
450077, Уфа, Кирова, 45
Рекламная служба
(347) 250-11-11
Редакция
(347) 250-07-28
Приемная
(347) 250-05-07
Сотрудничество
(347) 250-06-14
Отдел кадров
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».