Шишәмбе, 14 Апрель 2026
|
Өфө
+11 °С
07:06 (UTC+5), 08 Апрель 2013
Рөстәм Хәмитов Яңауылда капиталь ремонттан һуң асылған лицейҙа булды
Эльвира Латипова, Эльмира Сабирова
Яңауыл лицейы капиталь ремонттан һуң асылған. Төҙөлөш эштәре белем биреү учреждениеһында 2012 йылда тамамланған. Капиталь ремонт үткәреүгә средстволарҙы «Социаль маҡсатлы программалар фонды» коммерцияға ҡарамаған ойошмаһы бүлгән. Дөйөм алғанда, реконструкцияға 30 миллион һумдан ашыу аҡса йүнәлтелгән. Башҡарылған эш һөҙөмтәләре менән Яңауыл буйлап эш сәфәре барышында Башҡортостан Президенты Рөстәм Хәмитов танышты.
Бүленгән аҡсаға лицейҙа йылытыу, канализация, вентиляция, һыу һәм электр менән тәьмин итеү системалары алмаштырылған. Яңы тәҙрәләр һәм ишектәр ҡуйылған. Шулай уҡ компьютер селтәрҙәре өсөн коммуникациялар монтажланған, ҡыйыҡ һәм фасад ремонтланған.
Бөгөнгө көндә лицейҙа бер меңдән ашыу бала белем ала. 40 кеше райондың 12 ауылынан килеп уҡый, улар интернатта йәшәй. Бынан тыш, Эткенә ауылында мәктәптең филиалы эшләй.
Белем биреү учреждениеһында 112 кеше, шул иҫәптән 72 уҡытыусы эшләй. Кадрҙар менән тәьмин ителеш 100 процент тәшкил итә. Педагогтарҙың уртаса айлыҡ эш хаҡы – 18 мең һум, техник хеҙмәткәрҙәрҙең эш хаҡы – 5,5 мең һум.
Президент мәктәпте, бүлмәләрҙе ҡарап сыҡты, башҡарылған эштәргә баһа бирҙе, компьютер класында булды. Яңауыл лицейы заманса техника менән йыһазландырылған, уҡытыусылар өсөн 46 ноутбук һатып алынған. Рөстәм Хәмитов педагогтарға эштәрендә заманса мәғлүмәт технологияларын әүҙем ҡулланрға кәңәш итте.
Мәктәптә спорт секциялары, түңәрәктәр, китапхана эшләй. Китапханала туғыҙ меңгә яҡын китап бар. Әммә, педагогтар билдәләүенсә, уҡыусыларҙың ғәҙәти ҡағыҙ китаптар менән ҡыҙыҡһыныуы кәмей. Мең уҡыусының ни бары яртыһы ғына китапханаға йөрөй. Рөстәм Хәмитов лицей хеҙмәткәрҙәренә китаптарҙың электрон варианттарын булдырыу өҫтөндә уйларға тәҡдим итте.
1 из 12
© 1992-2026 АО ИА «Башинформ».
www.bashinform.ru
www.bashinform.ru
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».