Өфөнөң юғары уҡыу йорттары уҡытыусылары өйлө булды

Рәсүл Хәмиҙуллин | фото: Өфө хакимиәте

Өфөнөң Киров районында баш ҡаланың юғары уҡыу йорттары уҡытыусылары өсөн торлаҡ йорт сафҡа индерелде. Объектты асыу тантанаһында ҡала хакимиәте башлығы Ирек Ялалов ҡатнашты.

Өфө хакимиәтенең матбуғат хеҙмәтенән хәбәр итеүҙәренсә, әлеге йортто төҙөү барышында ҡала властары ер бүлеү һәм инженерлыҡ селтәрҙәренә тоташтырыуҙы тиҙләтеү буйынса мәсьәләләрҙе хәл итергә ярҙам иткән.

— Өфө өсөн был мөһим ваҡиға булып тора. Үҙенсәлекле маяҡ булараҡ, ул барлыҡ бизнес-берләшмәгә, беҙҙең тәбиғи монополияларға, предприятиеларға илдәге иҡтисади һәм финанс ауырлыҡтарға ҡарамай хеҙмәткәрҙәрҙе торлаҡ менән тәьмин итеү мәсьәләһен уңышлы хәл итеп булыуын күрһәтә, - тине Ирек Ялалов. – Хакимиәт артабан да ярҙам итергә әҙер.

14 ҡатлы һәм 89 фатирлы йортта Өфө дәүләт нефть техник университеты, Өфө дәүләт авиация техник университеты, Башҡорт дәүләт аграр университеты, Башҡорт дәүләт медицина университеты, Башҡорт дәүләт университеты, БР Президенты ҡарамағындағы Башҡортостан дәүләт хеҙмәте һәм идара итеү академияһы һәм башҡа юғары уҡыу йорттары уҡытыусылары йәшәйәсәк.

Бындай тәжрибәне артабан да дауам итеү планлаштырыла, һәм киләһе йорттоң Өфөнөң Сәғит Агиш урамында төҙөлөүе ихтимал.

1 из 10

#төҙөлөш #торлаҡ #мәғариф

Присоединяйтесь — больше и быстрее в наших соцсетях:

Рубрики

Эл. почта

inf@bashinform.ru

Адрес

450077, Уфа, Кирова, 45

Рекламная служба

(347) 250-11-11

Редакция

(347) 250-07-28

Приемная

(347) 250-05-07

Сотрудничество

(347) 250-06-14

Отдел кадров

ok@bashinform.ru

© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».