Өфөлә бөгөндән ауыр йөк машиналары хәрәкәте сикләнә

Әлфиә Шәрәфетдинова

Өфө юлдарында ауыр йөк машиналары хәрәкәтен ваҡытлыса сикләү бөгөндән, 27 марттан, ғәмәлгә инде. Ай дауамында, 25 апрелгә ҡәҙәр, күсәренә төшкән ауырлыҡ билдәләнгән норманан артҡан хәлдә, автомобилдәр дөйөм файҙаланыуҙағы ҡаты япмалы юлдарҙан йөрөй алмаясаҡ. Бындай сикләү, юл япмаһын һаҡлап ҡалыу маҡсатында, ғәҙәттәгесә, яҙғы юл өҙөклөгө осоронда индерелә.

Башҡортостан Республикаһының Транспорт һәм юл хужалығы буйынса дәүләт комитетында билдәләүҙәренсә, бындай сикләү автобустар менән пассажирҙар ташыуға, халыҡ-ара кимәлдәге йөктәрҙе, аҙыҡ-түлек, мал-тыуар, дарыу препараттары, яғыулыҡ, орлоҡ фонды, ашламалар, почта һәм почта йөгөн ташыуға, стихиялы бәлә-ҡазалар һәм башҡа төрлө ғәҙәттән тыш хәлдәр эҙемтәләрен бөтөрөүҙә кәрәкле йөктәрҙе ташыуға, автомобиль юлдарында авария-тергеҙеү һәм ремонт эштәрен үткәреүҙә ҡулланылған юлдар төҙөү һәм юлдарҙы эксплуатациялау техникаһы һәм материалдарын транспортлауға, шулай уҡ федераль закон менән хәрби хеҙмәт ҡаралған федераль башҡарма власть органдарының транспорт сараларына ҡағылмай.

Башҡа ауыр йөк машиналары бик кәрәк булғанда дөйөм файҙаланыуҙағы юлдарҙан йөрөй ала. Тик бының өсөн алдан юл япмаһына килтереләсәк зыянды ҡапларға кәрәк буласаҡ. Өфөлә юл йөрөүгә махсус рөхсәт ҡағыҙҙарын ҡала хакимиәтенең Коммуналь хужалыҡ һәм төҙөкләндереү идаралығы бирә.

Федераль трассаларҙың Башҡортостан аша үткән участкаларында бындай тыйыу – 1 - 30 апрелдә, ә республика әһәмиәтендәге юлдарҙа 6 апрелдән 5 майға тиклем ғәмәлдә буласаҡ.

#юл хужалығы #транспорт

Присоединяйтесь — больше и быстрее в наших соцсетях:

Рубрики

Телефон

(347) 250-05-07

Адрес

450077, Өфө, Киров урамы, 45

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

Отдел кадров

ok@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.