БашДУ профессоры Рим Вәлиуллин «Рәсәй Федерацияһының атҡаҙанған юғары мәктәбе хеҙмәткәре» исеменә лайыҡ булды

Рәсәй Президенты Дмитрий Медведев Указы менән техник фәндәр докторы, «Башҡорт дәүләт университеты» юғары һөнәри белем биреү федераль дәүләт мәғариф учреждениеһының кафедра мөдире Рим Вәлиуллинға «Рәсәй Федерацияһының атҡаҙанған юғары мәктәбе хеҙмәткәре» исеме бирелде. Был юғары наградаға Рим Абдулла улы, документта әйтелеүенсә, «фәнни-педагогик эшмәкәрлектәге ҡаҙаныштары һәм квалификациялы белгестәр әҙерләүгә индергән ҙур өлөшө өсөн» лайыҡ булды.