Өфө февралдәге бөтә донъя мотоуҙыштарына әҙер

Дмитрий Слезин

Кесаҙна, 12 ғинуарҙа, Башҡортостан Республикаһы Хөкүмәте Йортонда БР Хөкүмәте Премьер-министры урынбаҫары Салауат Сәғитов рәйеслегендә боҙҙа мотоуҙыш буйынса шәхси донъя чемпионатының 2-се финалына әҙерлек һәм уны үткәреүгә арналған эш кәңәшмәһе үтте. Хәтерегеҙгә төшөрәйек, был сара ағымдағы йылдың 9-13 февралендә үтәсәк.

Ҡаланың был ваҡиғаға әҙерлеге тураһындағы отчет менән республиканың йәштәр сәйәсәте һәм спорт министры Александр Никерин, Рәсәй Мотоциклет спорты федерацияһының вице-президенты, БР мотоциклет федерацияһы башҡарма комитеты рәйесе Риф Сәйетгәрәев һәм Өфө ҡалаһы ҡал округы хакимиәте башлығы урынбаҫары Рәмил Дилмөхәмәтов сығыш яһаны.

Бөгөнгө көндә финанс мәсьәләһе генә хәл ителеп бөтмәгән, смета БР Финанс министрлығы менән раҫлана. Ҡалған мәсьәләләр эш тәртибендә хәл ителә.

Республика бындай кимәлдәге мотоярыштарҙы беренсе тапҡыр ғына ҡабул итмәй, шуға күрә барыһы ла тиерлек әҙер.

Турнирҙа донъяның иң көслө 18 мотоуҙышсыһы ҡатнашасаҡ, улар бер нисә финалда иң яҡшыларын билдәләйәсәк. Ярыш системаһы тураһында Риф Сәйеттгәрәев һөйләне. Өфө этабында еңгән чемпионға ниндәй бүләк буласағы әле билдәле түгел, — уның автомобиль булыуы ла ихтимал.

Чемпионат киң мәғлүмәт сараларында һәм телевидениела киң яҡтыртыласаҡ, уҙыштар үтәсәк «Төҙөүсе» стадионынан тапшырыуҙар алып барыу мәсьәләһе тикшерелә. 2-се финал ваҡытында матбуғат үҙәге эшләйәсәк, киң мәғлүмәт саралары вәкилдәре өсөн брифингылар ойоштороласаҡ.

Билет программаһы ла әҙерләнгән (билеттарҙың хаҡы 150 һумдан башлана), алынған табыш Башҡортостанда мотоспортты үҫтереүгә йүнәлтеләсәк. «Төҙөүсе»лә тамашасылар һәм ҡунаҡтар өсөн 7-8 йәмәғәт туҡланыу урыны эшләйәсәк, ярыштар символикаһы төшөрөлгән сувенир продукцияһы менән сауҙа итеү ойоштороласаҡ.

Өс тиҙ ярҙам машинаһы турнир көндәрендә көйәрмәндәр, ойоштороусылар һәм спортсыларҙың сәләмәтлеге һағында торасаҡ.

Суд коллегияһының составы раҫланған, унда халыҡ-ара уйындар үткәреүҙә тәжрибәһе булған арбитрҙар ингән.

Төп тамашаның ҡорос аттарҙағы рыцарҙарҙың боҙҙағы ярышы булыуын белеп, ойоштороусылар чемпионатты асыу һәм ябыу тантаналарын, шулай уҡ еңеүселәрҙе наградлауҙы оҙаҡҡа һуҙмаҫҡа вәғәҙә итә.

#боҙҙа мотоуҙыш

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.