Николай Красников – Ғ.Ҡадиров исемендәге Техник спорт төрҙәре үҙәгенең баш тренеры

Николай Ермоленко

Боҙҙа мотоуҙыш буйынса 14 тапҡыр донъя чемпионы Николай Красников 2011 йылда яҙҙың беренсе көнөндә Ғабдрахман Ҡадиров исемендәге Техник спорт төрҙәре үҙәгенең баш тренеры итеп тәғәйенләнде. Кисә ул Өфө боҙонда ошо сифатта беренсе тренировкаһын үткәрҙе. Ә бөгөн команданың беренсе уҙышсыһы ла, әйҙәүсе тренеры ла булған Красников менән «Башҡортостан» клубы командаһы Тольяттиға Суперлигала Рәсәй команда чемпионатының йомғаҡлау этаптарына юлланды.

— Красниковты баш тренер итеп тәғәйенләү ҡарарын сенсация тип иҫәпләргә кәрәкмәй, — тине Ғ.Ҡадиров исемендәге Техник спорт төрҙәре үҙәге директоры Риф Сәйетгәрәев. – Николайҙың юғары спорт белеме бар, һәм ул ике йыл элек үк спорт карьераһын тамамлағандан һуң беҙҙең клубта тренерлыҡ эшенә күсергә теләүен әйткәйне. Һәм тағы бер нисә миҙгел дауамында ярыштарҙа әүҙем ҡатнашасағын иҫәпкә алғанда ла, уның тренерлыҡ карьераһын башлауҙы һуҙмаҫҡа ҡарар ителде. Асылда, де-факто ул быйылғы миҙгелдә Дмитрий Колтаковты өйрәтә башланы ла инде, һәм һәләтле уҙышсының һөҙөмтәләре, уҙған йыл менән сағыштырғанда, ярайһы ныҡ үҫте. Колтаков Рәсәй Кубогын яуланы, юниорҙар араһында ил чемпионы булды.

Рәсәй чемпионатының Тольятти этаптарынан һуң «Башҡортостан» командаһы тулы составта сит илгә – Голландияға юлланасаҡ. Ассенда 12-13 мартта шәхси донъя чемпионатының өсөнсө финалы үтәсәк, унда Николай Красников менән Дмитрий Буланкин ҡатнашасаҡ, ә бер көн алдан традицион Ролоф Тайс Кубогы уйнатыласаҡ, Кубокта Дмитрий Колтаков сығыш яһай.

#боҙҙа мотоуҙыш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.