Максим Чудов: Олимпиада-2010 бөтә яҡтан ғауғалы булды

Дмитрий Слезин

Шишәмбе, 2 мартта, Ванкуверҙағы Ҡышҡы Уйындар-2010-да миҙал (“бронза”) яулауға өлгәшкән берҙән-бер Башҡортостан спортсыһы Өфөгә әйләнеп ҡайтты. Аэропортта үҙ геройын традиция буйынса тренерҙары, дуҫтары, туғандары, БР Спорт министрлығы вәкилдәре һәм бер төркөм журналистар ҡаршы алды.

— Олимпиада бик ауыр һәм бөтә яҡтан ғауғалы булды, — тип Максим үҙ тәьҫораттары менән уртаҡлашты аэропортта уҡ ойоштороп ебәрелгән матбуғат конференцияһында, — был Уйындарҙы ойоштороуға ла, спортсыларға ҡарата мөнәсәбәткә лә ҡағыла. Ашатыу ҙа йүнле булманы, насар шарттарҙа йәшәнек.

Уйындар фажиғә менән башланып китте – грузин санасыһы күнекмә ваҡытында һәләк булды, һәм барыһы ла, ғөмүмән, Олимпиада булыр микән, тип уйлай башланы.

Рәсәй йыйылма командаһының Ванкуверҙағы уңышһыҙ сығышы тураһындағы һорауға Чудов бик аҡыллы яуап бирҙе:

— Хәҙер ғәйеплеләрҙе эҙләргә кәрәкмәй. Был бөтә Рәсәй халҡының проблемаһы, беҙҙең уртаҡ проблемабыҙ. Дөрөҫ һығымта яһарға һәм дөйөм бер эште башҡарып сығырға ынтылырға – Сочи-2014-кә әҙерләнергә кәрәк. Илебеҙҙә яҡшы класлы ете-һигеҙ биатлонсы мотлаҡ табылыр, тип уйлайым.

Хәтерегеҙҙәлер, Уйындарҙағы уңышһыҙ старттан һуң Максим Чудов ярыш офоғонан юғала:

— Уңышһыҙ спринттан һуң миңә, ғәфү ит, Максим, беҙ һине артабанғы уҙыштарға алмайбыҙ, тинеләр. Мин запастағылар эскәмйәһенә эләктем, — ти тулҡынланып Максим. — Ул мәлдә мин ғәрләнеү тойғоһо кисерҙем: мине күп йылдар белгән тренерҙар миңә ышаныуҙан туҡтаны. Минең уйымса, команданың бөтә уңышһыҙлыҡтарын кемгәлер япһарырға кәрәк ине бит. Күрәһең, ошо кеше мин булдым.

— Ләкин мин өмөтһөҙлөккә бирелмәнем, күнекмәләремде һәм һәр уҙышҡа әҙерләнеүемде дауам иттем, – тип дауам итә Чудов, – һәм эстафетаға көн ярым ҡалғас, миңә: «Әҙерлән, өсөнсә этапта йүгерәсәкһең», тинеләр. Ғөмүмән, мин Уйындарға лайыҡлы һөҙөмтәләр күрһәтергә әҙерләнеп барғайным. Ләкин һөҙөмтәлә эстафета уҙышында ғына берҙән-бер «бронза» олимпия миҙалы алыуға өлгәшелде.

Спортсының ата-әсәһе, һис шикһеҙ, был миҙал менән бик ҡәнәғәт ине:

— Беҙ Максимдың ҡайтыуын түҙемһеҙләнеп көттөк. Етмәһә миҙал менән, бронза төҫөндә булһа ни, ул беҙҙең өсөн барыбер «алтын».

1 из 6

#олимпиада #ванкувер-2010

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.