Һайлау йомғаҡтары буйынса республикала 13 МХО-ла ҡатнашыусы депутат мандатын алды
15 сентябрҙә Башҡортостан Башлығы Радий Хәбиров үткәргән аҙналыҡ оператив кәңәшмәлә берҙәм тауыш биреү көнөнә йомғаҡ яһалды. Урындағы үҙидараның вәкиллекле органдары депутаттарын һайлау һөҙөмтәләре тураһында республиканың Үҙәк һайлау комиссияһы рәйесе Азат Ғәлимханов хәбәр итте.
Республикала бөтәһе 150 һайлау кампанияһы үтте, 239 мандат алмаштырылды. Һайлауҙа 652 кандидат теркәлгән, шул иҫәптән 13 махсус хәрби операцияла ҡатнашыусы.
— Бөтә хәрби хеҙмәткәрҙәр ҙә үҙ округтарында еңеү яуланы, — тип һөйләне Азат Ғәлимханов.
«Башинформ» яҙғанса, яҡынса йомғаҡтар буйынса, Башҡортостанда һайлаусыларҙың 45,6% тауыш биргән. Бөтә кимәлдәге һайлауҙарҙа мандаттар түбәндәгесә: «Берҙәм Рәсәй» — 198 мандат; «Ғәҙел Рәсәй — Хәҡиҡәт өсөн» — 10 мандат; ЛДПР — 7 мандат, КПРФ — 6 мандат; «Яңы кешеләр» — 2 мандат; «Граждандар платформаһы» — 1 мандат, үҙ-үҙен тәҡдим итеүселәр — 15 депутат мандаты.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.