Ҡалтасы районы хакимиәте башлығы Зәбир Ғабдуллин вәкәләттәрен һалды. Район хакимиәте етәксеһе вазифаһын башҡарыусы итеп уның беренсе урынбаҫары Алексей Горев тәғәйенләнде. Был хаҡта «Башинформ»ға район хакимиәтенең матбуғат хеҙмәтенән хәбәр иттеләр.
— Район башлығы, икенсе эшкә күсеүгә бәйле, вәкәләттәрен һалды, — тип билдәләне матбуғат хеҙмәте етәксеһе Әлфиә Ямурова.
Бынан алдараҡ «Башинформ» Башҡортостан Башлығының республика хөкүмәте составын раҫлауы хаҡында хәбәр иткәйне.