Башҡортостан йәштәрен республика хөкүмәтендә көтәләр

Башҡортостанда республиканың йәштәр хөкүмәтенә һайлап алыу өсөн рәсми рәүештә ғаризалар ҡабул ителә башланы. Башҡортостандың йәштәр сәйәсәте буйынса дәүләт комитеты рәйесе вазифаһын башҡарыусы Вито Сабиров һүҙҙәренсә, хөкүмәт ағзалары йәмәғәт башланғысында эшләй.

– Йәштәр хөкүмәте – республикала тормошто яҡшыраҡ итеү теләге тураһында. Шуға күрә һайлап алыу этаптарының береһе — кандидаттың төбәк кимәлендә тормошҡа ашырырға теләгән проектты яҡлауы. Практика ла бик мөһим. Хөкүмәт ағзалары республика министрлыҡтары һәм ведомстволары менән тығыҙ хеҙмәттәшлек итәсәк. Был иһә яңы белемдәр һәм компетенциялар, шулай уҡ структура подразделениелары етәкселәренән кәңәштәр, –  тип билдәләне Вито Сабиров.

Йәштәр хөкүмәтенә конкурс буйынса һайлап алыу ике этапта уҙғарыла. Конкурста Башҡортостанда даими йәшәгән 18-35 йәшлек граждандар ҡатнаша ала.

Йәштәр хөкүмәтенең яңы составына кандидаттарға https://clck.ru/3DgqVE электрон формаһын тултырырға кәрәк Конкурста ҡатнашыу өсөн кәрәкле документтар исемлеге менән ошо һылтанма буйынса танышырға мөмкин.

Ғаризалар 15 ноябргә тиклем ҡабул ителә.

«Башинформ» хәбәр иткәнсә, Башҡортостанда Салауат ҡалаһының яңы мэры билдәле булды.

https://www.bashinform.ru/news/politics/2024-11-07/molodezh-bashkirii-zhdut-v-pravitelstve-respubliki-3999735