Шишмә районында яңы хакимиәт башлығы тәғәйенләнде

Ришат Мансуров йәнә Шишмә районы хакимиәте башлығы итеп тәғәйенләнде. Ҡарар муниципаль район Советының сираттағы ултырышында ҡабул ителде, унда вазифа биләүгә конкурсына йомғаҡ яһалды. Депутаттар бер тауыштан Мансуров кандидатураһы өсөн тауыш бирҙе.

«Алда бик күп пландар һәм яңы проекттар, уларҙы бергәләп кенә тормошҡа ашырырға мөмкин. Ышанысығыҙҙы аҡлау өсөн көсөмдән килгәндең барыһын да эшләрмен», – тип белдерҙе Ришат Мансуров.

Хәтерегеҙгә төшөрәбеҙ, 19 сентябрҙә чиновниктың контракт ваҡыты тамамланыуға бәйле отставкаға китеүе тураһында билдәле булды. Мансуров хакимиәте башлығы вазифаһына 2020 йылда тәғәйенләнде.

https://www.bashinform.ru/news/politics/2024-10-15/v-chishminskom-rayone-bashkirii-naznachili-novogo-glavu-administratsii-3968353