Дамир Мостафин Әлшәй районы башлығы вазифаһын ҡалдырҙы
Дамир Мостафин Әлшәй районы етәксеһе вазифаһын ҡалдырҙы. Социаль селтәрҙәге сәхифәһендә ул әлшәйҙәргә бөгөн Әлшәй районы хакимиәте башлығы вәкәләттәрен һалыуын һәм хаҡлы ялға китеүен хәбәр итте. Ул әлеге вазифаһында 20,5 йыл эшләне.
«Бөгөн башлыҡ вазифаһын ҡалдырам, ләкин һеҙҙең менән хушлашмайым. Мин һеҙҙең яҡташығыҙ, дуҫығыҙ һәм фекерҙәшегеҙ булып ҡалам. Һәр саҡ ярҙам күрһәтергә һәм тәжрибәм менән уртаҡлашырға әҙермен. Үҙебеҙҙең Раевкала йәшәрмен, бала сағым үткән Ташлы ауылына барырмын. Районымды бар күңелем менән яратам һәм уға һәр саҡ тоғро ҡалам», — тип яҙҙы Дамир Мостафин.
Бынан алдараҡ Башҡортостан Башлығы Радий Хәбиров республиканың күпселек муниципалитеттарында муниципаль берәмек башлыҡтарының вәкәләттәрен һалыуы тураһында хәбәр иткәйне.
«Беҙ кадрҙар менән эш алып барабыҙ. Муниципалитет башлыҡтарының ҡайһы берҙәре төрлө сәбәптәр менән вазифаһынан китә. Әммә күпселеге конкурста ҡатнаша һәм был ваҡытта уларҙың вазифаһын урынбаҫарҙары башҡара», — тине ул хөкүмәттең оператив кәңәшмәһендә.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.