Һайлауҙа ҡатнашыу күрһәткесе республика буйынса уртаса күрһәткестән юғарыраҡ булған райондар билдәләнде

Башҡортостандың Үҙәк һайлау комиссияһы рәйесе Азат Ғәлимханов брифинг барышында ҡайһы райондарҙа һайлауға килеү күрһәткесенең республика буйынса уртаса күрһәткестән юғары булыуын хәбәр итте. «Башинформ» хәбәр иткәнсә, ул, яҡынса мәғлүмәттәр буйынса, 72,34% тәшкил итте.

Баҡалы районы бик әүҙем (93,01%). Салауат районында – 89,95%, Тәтешлелә  – 89,43%, Федоровкала – 89,11%. Әлшәй, Асҡын, Благовар, Балтас, Бүздәк, Борай, Йәрмәкәй, Илеш, Ҡалтасы, Ҡыйғы, Ҡариҙел, Көйөргәҙе, Мишкә, Миәкә, Саҡмағош, Шаран райондарында халыҡтың 80% тауыш бирҙе. Райондарҙа һайлауға килеү күрһәткесе уртаса 76,36% тәшкил итте.

Хәтерегеҙгә төшөрәбеҙ, Башҡортостандың әлеге етәксеһе Радий Хәбиров республика Башлығын һайлауҙа 80,21% тауыш йыйҙы.

https://www.bashinform.ru/news/politics/2024-09-09/v-tsik-nazvali-rayony-gde-yavka-na-vybory-prevysila-srednyuyu-po-bashkirii-3921888