Яңауылда 89 йәшлек олатай һайлауға үҙе эшләгән техникаһы менән килгән

Яңауыл районының Зайцев ауылында бөгөн иртән иң оло һайлаусы — 89 йәшлек Владимир Зворыгин тауыш бирҙе. «Башинформ»ға урындағы хакимиәттең мәғлүмәт-аналитика бүлегенән хәбәр итеүҙәренсә, һайлауға ул үҙ ҡулдары менән яһаған техникаһына ултырып килгән.

Хәтерегеҙгә төшөрәбеҙ, бөгөн, 6 сентябрҙә, республикала Башҡортостан Башлығын һайлау башланды. Тауыш биреү 8 сентябргә тиклем бара. Башҡортостан һайлаусылары араһында «Рәхмәт» акцияһы ойошторола, унда 330-ҙан ашыу ҡиммәтле бүләк, шул иҫәптән фатирҙар, автомобилдәр һәм шифаханаларға юлламалар уйнатыла.

https://www.bashinform.ru/news/politics/2024-09-06/v-bashkirii-89-letniy-izbiratel-priehal-na-vybory-na-samodelnoy-tehnike-3914574