Башҡортостан һайлауҙарға әҙер – Рәсәй Үҙәк һайлау комиссияһы

Башҡортостан һайлауҙарға әҙер – Рәсәйҙең Үҙәк һайлау комиссияһы ағзаһы Евгений Шевченко берҙәм тауыш биреү көнөнә әҙерлекте тап шулай баһаланы.

– Республика тулыһынса әҙер. Кандидаттарҙы теркәү тамамланды. Башҡортостанда 10 сәйәси партия һайлауҙа ҡатнашырға ҡарар итте. Һәр кем үҙ кандидатын тәҡдим итте һәм теркәне. Төбәк башлығын һайлауға килгәндә, документтарҙы тапшырған барлыҡ кандидаттар ҙа уларҙы хуплаған ҡултамғаларҙы кәрәкле күләмдә йыя алды. Ҡултамғалар һәм документтар тикшерелде, бөтә кандидаттар ҙа теркәлде. Парламенттың биш партияһы ла кандидаттарын тәҡдим итте», — тип белдерҙе Евгений Шевченко Республикаға идара итеү үҙәгенән «Сәләм» тапшырыуының тура эфирында.

6, 7 һәм 8 сентябрҙә республикала бер үк ваҡытта 218 кампания: Башҡортостан Башлығын һайлау, 54 – се Өфө бер мандатлы округы буйынса Башҡортостан Дәүләт Йыйылышы-Ҡоролтай депутатын өҫтәмә һайлау һәм ҡала, район һәм ауыл советтары депутаттарын һайлау буйынса 216 кампания үтәсәк.

Башҡортостан Башлығын һайлауҙарҙа 5 кандидат ҡатнаша. 4 кандидат 54 – се Өфө бер мандатлы округы буйынса Башҡортостан Дәүләт Йыйылышы-Ҡоролтайға өҫтәмә һайлауҙа депутат мандатына дәғүә итә.

Ҡала, район һәм ауыл Советтары депутаттарын һайлауҙа 4 484 кандидат ҡатнаша, улар араһында 1 мең 775 мандат тултырылған – уртаса алғанда, бер мандатҡа өс кеше дәғүә итә.

Быға тиклем Евгений Шевченко берҙәм тауыш биреү көнөндә нисә һайлаусы килеүе хаҡында фараз иткәйне, тип хәбәр итә «Башинформ».

Һайлау кампанияһы осоронда 8-800-347-54-54 ҡыҙыу элемтә телефоны эшләй.

Автор: Галина Бахшиева

https://www.bashinform.ru/news/politics/2024-08-08/bashkiriya-k-vyboram-gotova-tsik-rossii-3878151