Константин Толкачев чайлдфриҙы тыйыу тураһында закон проектын хуплауын белдерҙе
Башҡортостан Дәүләт Йыйылышы рәйесе Константин Толкачев Петербург халыҡ-ара юридик форумында чайлдфри идеологияһын пропагандалауҙы тыйыу тураһында закон проектын хуплауға бәйле башланған дискуссияға үҙ фекерен әйтте.
«Ғаилә: һаҡларға, юғалтырға ярамай» сессияһында Рәсәй Федерацияһының юстиция министры урынбаҫары Всеволод Вуколов илдә тейешле закон проектының әҙерләнеүе тураһында иҫкә төшөрҙө. Дәүләт Думаһы рәйесе урынбаҫары Ирина Яровая лы хуплап сығыш яһаны. Ул «Радикаль, экстремистик һәм террористик эшмәкәрлекте пропагандалауға ҡаршы тороуҙа яһалма интеллекттың роле» сессияһы ваҡытында чайлдфриҙы ҡорал менән сағыштырҙы һәм уны тыйырға тәҡдим итте.
«Беҙҙең закон проекты Дәүләт Думаһында ҡарауҙа, уның төп маҡсаты — бәлиғ булмағандар араһында балаһыҙлыҡ идеологияһын таратыуҙы тыйыу, — тине Константин Толкачев. — Ул эксперттар берләшмәһе, йәмәғәт ойошмалары, Рус православие сиркәүе ҡатнашлығында әҙерләнгән. Рәсәйҙең Юстиция министрлығы һәм Дәүләт Думаһы етәкселеге ярҙамы менән беҙҙең башланғысты тиҙерәк ҡаралыр һәм яҡын арала депутаттарҙа хуплау табыр тип ышанабыҙ».
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.