Башҡортостанда президент һайлауында хоҡуҡ боҙоуҙар теркәлмәгән

Башҡортостанда рф президентын һайлау буйынса кол-үҙәк эшен ойоштороу өсөн яуаплы Анна Сучкова 16 мартта һайлау участкаларында хоҡуҡ боҙоуҙар буйынса шылтыратыуҙар булмауын хәбәр итте.

Уның һүҙҙәренсә, 15-16 мартта операторҙар республика халҡынан 50 мөрәжәғәт ҡабул иткән. Улар башлыса участка һайлау комиссияларының адрестары һәм уларҙың эш графигына ҡағыла.

«Беҙгә күберәк өфөләр шылтырата. Кисә иң оло һайлаусы — 90 йәшлек олатай ҙа тауыш бирҙе. Хәтерегеҙгә төшөрәм, беҙгә +7 (34-72) 18-16-84 күп каналлы телефон буйынса шылтыратырға мөмкин, бөгөн, 17 мартта, кол-үҙәк киске сәғәт 9-4а тиклем эшләй», — тип билдәләне Сучкова.

Башҡортостанда һайлауҙың икенсе көнөндә халыҡтың 64,82% тауыш биргән.

https://www.bashinform.ru/news/politics/2024-03-17/narusheniy-na-vyborah-prezidenta-rossii-v-bashkirii-ne-zafiksirovano-3684913