Башҡортостандың атҡаҙанған артисы, «Сибай» бейеү ансамбле репетиторы Лариса Хәтмуллина донъя балет сәхнәһе йондоҙо Рудольф Нуриевты тәнҡитләгән Башҡортостан Дәүләт Йыйылышы депутаты Юнир Ҡотлоғужиндың һүҙҙәренә үҙ фекерен белдерҙе.
Хәтерегеҙгә төшөрәбеҙ, бынан алда киң мәғлүмәт сараларында һәм социаль селтәрҙәрҙә депутаттың билдәле бейеүсене тәнҡитләгән яҙмаһы таралғайны. Юнир Ҡотлоғужин уны «Тыуған ил хыянатсыһы» тип атай, әхлаҡи ҡиммәттәрҙе һаҡларға саҡыра.