Республика Дәүләт Йыйылышында фән һәм мәғариф буйынса комитет рәйесе урынбаҫары һайланды

Фән, мәғариф, мәҙәниәт, йәштәр сәйәсәте һәм спорт комитетында Дәүләт Йыйылышында һөнәри нигеҙҙә эшләү өсөн рәйестең яңы урынбаҫарын һайланылар. Ул – «Берҙәм Рәсәй»ҙән депутат Заһир Хәкимов. Тейешле ҡарарға республика парламенты рәйесе Константин Толкачев ҡул ҡуйған. Документ рәсми хоҡуҡи мәғлүмәт порталында баҫылған.

Асыҡ сығанаҡтарҙан алынған мәғлүмәттәргә ярашлы, Заһир Хәкимов 1963 йылдың 3 февралендә Өфөлә тыуған. 1989 йылда Өфөнөң Ленин орденлы авиация институтын тамамлаған. 2013 йылда Рәсәй Президенты ҡарамағындағы Рәсәй халыҡ хужалығы һәм дәүләт хеҙмәте академияһы дипломын алған («Дәүләт һәм муниципаль идара итеү»).

Хеҙмәт юлын Ленин исемендәге Өфө приборҙар эшләү заводында слесарь-йыйыусы булып башлай. 2019 йылдан Башҡортостандың Юстиция эштәре буйынса дәүләт комитетында эшләй. Алтынсы саҡырылыш Дәүләт Йыйылышы депутаты булған. 2023 йылдың сентябрендә ҡайтанан һайланған.

https://www.bashinform.ru/news/politics/2023-10-11/v-gossobranii-bashkirii-izbrali-zamestitelya-predsedatelya-komiteta-po-nauke-i-obrazovaniyu-3474455