Радий Хәбиров Башҡортостандың енәйәт-башҡарыу системаһы етәксеһе Владислав Дзюба менән осрашты

26 июлдә Республика йортонда Башҡортостан Башлығы Радий Хәбиров республиканың енәйәт-башҡарыу системаһы етәксеһе Владислав Дзюба менән осрашты.

Көн тәртибендә – хөкөм ителгәндәр өсөн холоҡ төҙәтеү үҙәктәренең эшен ойоштороу, Федераль яза башҡарыу хеҙмәте учреждениеларының етештереү секторын киңәйтеү, Федераль яза башҡарыу хеҙмәтенең республика идаралығы предприятиеларында тауарҙар сығарыу һәм хеҙмәттәр күрһәтеү күләмен арттырыу. Был сараларҙың төп бурысы – хөкөм ителгәндәрҙең хеҙмәт мәшғүллеген тәьмин итеү, яңы һөнәрҙәргә өйрәтеү, шулай уҡ азат ителгәндән һуң уларҙы эшкә урынлаштырыу өсөн шарттар булдырыу.

Бынан тыш, осрашыуҙа Рәсәй Федераль яза башҡарыу хеҙмәтенең Башҡортостан буйынса идаралығының шәхси составына социаль ярҙам саралары тикшерелде.

Радий Хәбиров элекке хөкөм ителгәндәрҙе социаль яраҡлаштырыуҙың мөһимлеген билдәләне, профилле министрлыҡтарға һәм ведомстволарға республика биләмәһендә холоҡ төҙәтеү үҙәктәре булдырыу, шулай уҡ Федераль яза башҡарыу хеҙмәте продукцияһына һәм хеҙмәттәренә дәүләт, муниципаль заказдар урынлаштырыу мәсьәләһен тикшерергә ҡушты.

https://www.bashinform.ru/news/politics/2023-07-26/radiy-habirov-vstretilsya-s-nachalnikom-ugolovno-ispolnitelnoy-sistemy-bashkirii-vladislavom-dzyuboy-3358014