Белоретта Радий Хәбиров эшҡыуарҙар менән аралашты
Башҡортостан Башлығы Радий Хәбиров Белорет районы буйлап эш сәфәре барышында эшҡыуарҙар менән осрашты. Был хаҡта ул үҙенең социаль селтәрҙәрендә хәбәр итте.
«Бөгөн Белоретта төрлө йүнәлештә эшләгән бер нисә компания вәкилдәре менән аралаштым. Күптәре республиканың Сәнәғәтте үҫтереү фонды аша аҡса алған, ҡайһы берҙәре Ауыл хужалығы министрлығы һәм башҡа министрлыҡтар аша юллаған.
Беҙҙең ярҙам саралары эшләй, мин бик шатмын, эшҡыуарҙар улар менән файҙалана. Әммә шул уҡ ваҡытта беҙҙең бурыс — документтар тапшырыу процедураһын мөмкин тиклем ябайлаштырыу, ҡайһы берҙә кешеләр ҡағыҙ өйөмөнән ҡурҡып, бер ҡайҙа ла ғариза бирмәй», — тип билдәләне ул.
Республика етәксеһе дәүләт ярҙамын алыу өсөн инструкциялар һәм файҙалы кәңәштәр тупланған Инвестпорталға һылтанма ҡалдырҙы.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.