Башҡортостан һәм Франция яңы сырҙар етештереүҙе һәм экологик туризмды көйгә һала

glavarb.ru

«Башинформ» мәғлүмәт агентлығы

ӨФӨ, 2019 йыл, 23 июль. /«Башинформ» мәғлүмәт агентлығы/.Радий Хәбиров Республика йортонда Францияның Рәсәйҙәге илсеһе Сильви Берманды ҡабул итте. Яҡтар иҡтисади, гуманитар һәм социаль өлкәләрҙә хеҙмәттәшлекте тикшерҙе.

Башҡортостан башлығы вазифаһын ваҡытлыса башҡарыусы Радий Хәбиров һуңғы йылда Рәсәй һәм Франция менән тауар әйләнеше артты тип билдәләне. Республика был үҫештә ҡатнашырға әҙер һәм 23 июлдә төбәк етәксеһе Франция илсеһе менән бергә Бәләбәй һөт комбинатына йомшаҡ сырҙар етештереүгә беренсе таш һалыуҙа ҡатнаша. Уны деликатес сырҙар етештереү буйынса Savencia донъя лидеры менән хеҙмәттәшлектә асалар.

«Бында сыр етештереү буйынса Рәсәйҙә иң матур завод эшләйәсәкбеҙ», – тине компанияның генераль директоры Жан-Поль Торри.

Үҙ сиратында, Радий Хәбиров проектты тормошҡа ашырыу һәм яңы етештереү урындары асыу өсөн бөтә шарттар булдырырға вәғәҙә итте.

Төбәк хөкүмәте вице-премьеры вазифаһын башҡарыусы Илшат Тажитдинов, Өфө мэры Өлфәт Мостафин һәм SUEZ компанияһының Рәсәй һәм БДБ төбәктәрендә бизнесты үҫтереү буйынса директоры Франсуа Кармантран Башҡортостандың баш ҡалаһында ҡала мөхите менән идара итеү һәм етештереү эшмәкәрлегенән тупланған экологик зыянды бөтөрөү системаһын булдырыу тураһындағы килешеүгә ҡул ҡуйҙылар.

«Юл картаһына ҡул ҡуйыу менән беҙ мөһим аҙым яһайбыҙ, сөнки килешелгәнде ентекләп һәм бер-бер артлы ғәмәлгә ашыра башлайбыҙ», – тип төбәк башлығы хакимиәтенең матбуғат хеҙмәте Франсуа Картмантрандың телмәренән өҙөмтә килтерә.

Өфө менән эшмәкәрлектә быға тиклем Дижонда ғәмәлгә ашарылған «Аҡыллы ҡала» проект һәм «Химпром» заводы биләмәһен экологик санациялау буйынса проект перспективалы йүнәлештәр булып һанала.

Башҡортостан һәм Франция бергәләп экологик туризмды үҫтерергә ниәтләй. Илсе Сильви Берманн юғары уҡыу йорттары араһында үҙ-ара эшмәкәрлеккә ышаныс, ә 39-сы гимназия нигеҙендә полилингваль кластар булдырыуҙа булышлыҡ итергә әҙерлеген белдерҙе.

Башҡортостан башлығы вазифаһын ваҡытлыса башҡарыусы Сильви Берманға республиканың Австриялағы вәкиллеге тураһында һөйләне. Икенсеһе 2019 йылдың аҙағына тиклем Төркиәлә асылырға тейеш. Радий Хәбиров әйтеүенсә, вәкиллектәрҙең һөҙөмтәлелеген баһалағандан һуң уларҙы Азияның һәм Европаның башҡа илдәрендә ла асылыуы бар. Франция илсеһе уны киләсәктә Парижда асырға тәҡдим итте.

Шулай уҡ оҙаҡламай Өфөнөң һәм Бәләбәйҙең Savencia һәм SUEZ компанияларының төп офистары урынлашҡан Франция ҡалалары менән туғандаш мөнәсәбәттәре барлыҡҡа килеүе ихтимал. Яҡтар Башҡортостандың бизнес-делегацияһы Парижға эш сәфәре менән барырға килеште, унда башҡа перспективалы документтар ҙа төҙөләсәк.

http://www.bashinform.ru/news/1333047-bashkiriya-i-frantsiya-zapustyat-novoe-proizvodstvo-syrov-i-ekologicheskiy-turizm/

1 из 4

#радий хәбиров #франция менән хеҙмәттәшлек #сырҙар #экология

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.