Һуңғы 20 йылда үҙенсәлекле башҡорттар ҡоролтайына шаһит булдыҡ – эксперт фекере

Олег Яровиков

«Башинформ» мәғлүмәт агентлығы

ӨФӨ, 2019 йыл, 3 июль. /«Башинформ» мәғлүмәт агентлығы/.V Бөтә донъя башҡорттары ҡоролтайы эксперттары һәм делегаттары йома уҙған форумға үҙ фекерҙәрен еткереүен дауам итә. Милләттәр эштәре буйынса федераль агентлыҡ эксперты, Башҡортостан Фәндәр академияһының Социо-мәҙәни тикшеренеүҙәр үҙәге етәксеһе, форум делегаты һәм Бөтә донъя башҡорттары ҡоролтайы башҡарма комитеты ағзаһы Юлдаш Йосопов республика етәксеһе Радий Хәбиров үҙ сығышында ғәҙәти шаблондарҙан арынды һәм башҡорт йәмғиәтенең көнүҙәк мәсьәләләрен билдәләне тип иҫәпләй. Ул төньяҡ-көнбайыш башҡорттарының, ҡала башҡорттарының социаль-иҡтисади торошона тиклем үҙаңын һаҡлау: телде, милли кадрҙарҙы файҙаланыу, яңы технологик тәртипкә күсеү һәм башҡалар.

«Ҡоролтай аҙағында ул секцияларҙа күтәрелгән бөтә һорауҙарға үҙ фекерен белдерҙе. Хәмитов осоронда тыйылғанды – Хәбировтың хакимиәте яуаплылыҡты үҙ өҫтөнә алып, ошо темаларҙы күтәрҙе. Беренсенән, хәҙерге ҡоролтай структураһы үҙгәреү менән үҙенсәлекле. Башҡарма комитетҡа һәм етәксе органдарға сәйәси элитала үҙәк урындарҙы биләүсе бер төркөм арҙаҡлы кешеләр килде», — тип ғалим социаль селтәрҙәге сәхифәһендә яҙа.

Башҡарма комитет составы ике тапҡыр тиерлек ҡыҫҡарҙы. Элекке күләмле башҡарма комитет урынына бөтөнләй эшсе структура барлыҡҡа килде.

«Хәҙерге ҡоролтайҙың дүртенсе айырмаһы – ҡалған йәмғиәт, тәү сиратта, дәүләт власы органдары менән яңы мөнәсәбәттәр системаһы. Башҡарма комитет хәҙер тап башҡарыу органына әүерелә, ә Бөтә донъя башҡорттары ҡоролтайы уға абруйлы ағзалар биргән сәйәси көскә әйләнә. Ул ҡоролтайға республикалағы ҙур проект эштәре һәм ижтимағи-сәйәси процестар үҙәгендә булырға мөмкинлек бирә», — тип иҫәпләй Юлдаш Йосопов.

Ҡоролтай яңы кимәлгә сыҡты, унда ул уңышлыраҡ эшләргә тейеш, тип иҫәпләй эксперт. Был, уның фекеренсә, төрлө көстәрҙең иғтибарын йәлеп итте.

«Билдәләп үтәм, был мина ҡоролтайҙан күпкә алда эшләтеп ебәрелгән. Ысынында иһә, ул республика рулендә торған элекке команда сәйәсәтенең һөҙөмтәһе. Элекке власть тырышлығы менән башҡорт йәмәғәтселегенең бер өлөшө оппозицияға айыртылды. Бында сәбәптәр финанстан башлап субъектив-психологикка тиклем байтаҡ. Хәлдең элекке командаға эшләргә тура килгәнгә ҡарағанда ла күпкә ҡатмарлыраҡ булыуын иҫәпкә алып. Ул саҡта хакимиәткә ҡыҙыҡ булмаған бөтә һорауҙар иғтибарһыҙ ҡала», — тип билдәләй Башҡортостан Фәндәр академияһының Социо-мәҙәни тикшеренеүҙәр үҙәге етәксеһе.

Юлдаш Йосопов фекеренсә, яңы төбәк башлығы хакимиәте ҡатмарлы хәлдә ҡалды: бөтә нәмәне үҙ урынында ҡалдырырға һәм артыҡ иғтибар итмәҫкә лә булыр ине, әммә ул саҡта төбәк оҙайлы перспективала еңелер ине.

«Ләкин Хәбировтың хакимиәте хәл иткес аҙымға барҙы һәм Бөтә донъя башҡорттары ҡоролтайы структураһын үҙгәртеп, уны ысын көскә әйләндерҙе. Хәҙерге ҡотҡо сығыштарға оҡшаш башланғыс этаптағы ауырлыҡтар Бөтә донъя башҡорттары ҡоролтайының яңы статусын һәм мөмкинлектәрен аҡлай. Хәмитов осорондағы кире һәм өйрәнелмәгән көнүҙәк темаларҙы Хәбировтың хакимиәте күтәреп сыҡты һәм улар өсөн яуаплылыҡты үҙенә алды», — тип билдәләй эксперт.

Ләкин ғалим әйтеүенсә, ҡыҙғанысҡа ҡаршы, уҙған саралағы өйрәнеү өсөн мөһим мәлдәр, реаль проекттар уны уҙғарыу барышында сәйәси хайпта, ғауғала һәм бәхәстә юғалып ҡалды.

http://www.bashinform.ru/news/1326466-my-byli-svidetelyami-unikalnogo-kurultaya-bashkir-za-poslednie-20-let-mnenie-eksperta/

#бөтә донъя башҡорттары ҡоролтайы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.