Рөстәм Хәмитов социаль һәм социаль-идара ителеш ресурстары буйынса түңәрәк өҫтәлдә ҡатнашты

Олег Яровиков

«Башинформ» мәғлүмәт агентлығы

ӨФӨ, 2018 йыл, 20 июль. /«Башинформ» мәғлүмәт агентлығы/. Башҡортостан Башлығы Рөстәм Хәмитов социаль һәм социаль-идара ителеш ресурстарына арналған түңәрәк өҫтәлдә ҡатнашты. Башҡортостан Хөкүмәте ағзалары, министрлыҡтар һәм ведомстволар етәкселәре өсөн арналған сара белем биреү сифатына эйә булды. Докладтар менән Рәсәйҙең ҙур ғалим-социологтары – Рәсәй Фәндәр академияһының Федераль социологик ғилми-тикшеренеү үҙәге Идара итеү социологияһы һәм социаль технологиялар үҙәген етәкләүсе социология фәндәре докторы Александр Тихонов һәм шул Үҙәктең алдынғы ғилми хеҙмәткәре, социология фәндәре кандидаты Владимир Богданов сығыш яһаны.

- Рәсәй Фәндәр академияһының ғалим-социологтары менән даими осрашабыҙ. Академик Михаил Константинович Горшков (Рәсәй Фәндәр академияһының Социология институты директоры) менән Башҡортостан һәм Рәсәй Фәндәр академияһының федераль социология үҙәге республиканың социаль-иҡтисади үҫешен ғилми-аналитик оҙатыу йәһәтендә әүҙем хеҙмәттәшлек итер тип килештек, - тине Рөстәм Хәмитов. - Милли проекттарҙың төбәк өлөшөн ғилми берләшмәнең әүҙем ҡатнашлығынан тыш әҙерләү мөмкин түгел. Бөгөн беҙ быны аңлайбыҙ: ғилемһеҙ алға китә алмайбыҙ.

Александр Тихонов һүҙҙәренсә, Башҡортостан Юғары социаль именлек индексына эйә айырым биләмә булып тора. Ул, Үҙәк белгестәре уйлап сығарған, яңы кире социаль элемтә йыйыу механизмы. Индекс асыҡ мәғлүмәт нигеҙендә булдырыла. Тикшеренеү мәғлүмәттәре буйынса, Башҡортостанда социаль «торош» бер төркөм күрһәткестәр буйынса башҡа төбәктәргә ҡарағанда яҡшыраҡ. Республика халҡы, башҡа төбәктәрҙә йәшәүселәргә ҡарағанда эш табыу мөмкинлеген, торлаҡ-коммуналь хужалыҡ өлкәһен, юл хужалығының һәм башҡа иҡтисади, социаль һәм мәҙәни аспекттарҙы юғары баһалай.

Башҡортостан етәкселеге фәнгә етди иғтибар бүлә, тип билдәләне Александр Тихонов. Түңәрәк өҫтәл федераль ғилми һәм белем биреү учреждениелары менән хеҙмәттәшлеккә, ғилми тикшеренеүҙәргә һәм асыштарға таянып, һөҙөмтәле идара итеү системаһын булдырыуға республика алған курстың дауамы булды.

Алдан Башҡортостан Башлығы төрлө өлкәләрҙә эшләүсе Рәсәйҙең алдынғы ғалимдары: М.В. Ломоносов исемендәге Мәскәү дәүләт университеты ректоры Виктор Садовничий, «Юғары иҡтисад мәктәбе» милли тикшеренеү университетының ғилми-тикшеренеү институттары һәм үҙәктәре, Бойондороҡһоҙ социаль сәйәсәт институты директоры Лилиә Овчарова, Бойондороҡһоҙ социаль сәйәсәт институтының төбәк программаһы директоры, Килемде һәм йәшәү кимәлен анализлау үҙәгенең баш ғилми хеҙмәткәре Наталья Зубаревич, Курчатов институты президенты Михаил Ковальчук һәм башҡалар менән осрашты. Рөстәм Хәмитовтың ҡушыуы буйынса Башҡортостан Республикаһы Башлығы ҡарамағындағы Башҡортостан дәүләт хеҙмәте һәм идара итеү академияһында «Һаҡсыл хөкүмәт» программаһы әҙерләнде. Уның маҡсаты дәүләт учреждениеларының эшен оптималләштереүгә, артыҡ бюрократияны бөтөрөүгә һәм идара ителеш процестарын камиллаштырыуға ҡайтып ҡала.

http://www.bashinform.ru/news/1188295-rustem-khamitov-prinyal-uchastie-v-kruglom-stole-po-sotsialnym-i-sotsiologo-upravlencheskim-resursam/

#башҡортостан башлығы #рөстәм хәмитов #ғилем

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.