Вторник, 5 Мая 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

07:02 (UTC+5), 24 Марта 2016

Баш ҡаланың төньяҡ өлөшөндә юлдар ҡәнәғәтләнерлек түгел — Дөйөм Рәсәй халыҡ фронты

автор фотоһы

IMPORT Сервисный

ӨФӨ, 2016 йыл, 24 март. /«Башинформ» мәғлүмәт агентлығы, Ксения Калинина/. 23 мартта «Юлдарҙың сифатын балайбыҙ» проекты сиктәрендә Дөйөм Рәсәй халыҡ фронтының төбәк бүлексәһе ағзалары республикала юлдарҙың торошон тикшерҙе. Алдан хәбәр ителгәнсә, «фронтовик»тар битараф булмаған автоһәүәҫкәрҙәрҙе һәм йәйәүлеләрҙе юлдарҙың проблемалы участкалары хаҡында хәбәр итеүҙәрен һораны. 02region@onf.ru электрон почтаһына йөҙгә яҡын мөрәжәғәт килде. Тап шулар буйынса емерек юлдар картаһы төҙөлдө. Дөйөм Рәсәй халыҡ фронтының төбәк штабы, Өфө хакимиәтенең коммуналь хужалыҡ һәм төҙөкләндереү идаралығы, Юлдар һәм яһалма ҡоролмаларҙы төҙөү, ремонтлау идаралығы, киң мәғлүмәт саралары вәкилдәре менән берлектә рейд ойошторолдо.

Рейдта ҡатнашыусылар Совет, Октябрь, Орджоникидзе һәм Калинин райондары юлдары, атап әйткәндә, Бабушкин, Комсомол, Сипайлово, Трамвай, Сельская Богородская, Вологодск, Ҡулса, Невский урамдары буйлап үтте. Тикшереү мәлендә юлдарҙың күпселек өлөшөндә соҡорҙарҙы ямау эштәре бара ине. Маршруттың планы буйынса ҡаланың төрлө урындарында туҡталыштар яһалды, унда район хакимиәте башлыҡтары урынбаҫарҙары «фронтовиктарға» юлдарҙың торошо хаҡында мәғлүмәт бирҙе.

Совет районында Ибраһимов бульварында, Революция, Оло Граждандар, Бабушкин урамдарында юлдар бик насар. Бессонов урамында эштәр тамамлана. Комсомол һәм Киров урамдарында ла эш күләме ҙур.

Калинин районы хакимиәте башлығы урынбаҫары Алик Вәлиев билдәләүенсә, бөгөн районда хәүефһеҙ йөрөү өсөн соҡорҙар ямала, төҙөлөш миҙгелендә капиталь ремонт башлана. Тәүҙә беренсе Май урамы төҙөкләндерелә. Быйыл район һәм ҡала көсө менән Интернациональ урамында эштәр тамамланасаҡ.

«2014 һәм 2015 йылдарҙа ремонт үткәрелгән урамдарҙағы участкаларҙың торошо әлегә яҡшы. Һүҙ Черниковск, Богдан Хмельницкий, Баландин, Трамвай, Вологодск урамдары, шулай уҡ күпер тороҡтары хаҡында бара», — тип өҫтәне башлыҡ урынбаҫары.

Орджоникидзе районы хакимиәте башлығының беренсе урынбаҫары Игорь Трухневич фекеренсә, ҡыштың йылы булыуы, шулай уҡ капиталь ремонт үткәрелмәүе юлдарҙың торошона кире тәьҫир итте.

«Беҙ ҡаланың төньяҡ һәм көньяҡ өлөшөндәге юлдар торошон ҡараныҡ. Күп йәһәттән эштәр башҡарыла. Берҙән-бер һорау — технологияларҙы үтәү, был иһә ҡала хакимиәте заказсыһы вәкиле намыҫында ҡала, — тип билдәләне Дөйөм Рәсәй халыҡ фронты Башҡортостан төбәк штабының «Көндәлек тормош сифаты» эшсе төркөмө етәксеһе Николай Фадеев. — Өфөнөң көньяғында юлдар күпкә яҡшыраҡ. Черниковка, Индустриаль шоссе ҡәнәғәтләнерлек түгел. Июнгә тиклем бөтә эштәр ҙә башҡарыласаҡ, тип вәғәҙә бирҙе чиновниктар. Май айында йәнә рейд ойошторабыҙ һәм ремонт эштәренең нисек башҡарылғанын тикшерәбеҙ».

1 из 10

#дөйөм рәсәй халыҡ фронты #рейд #юлдар #мониторинг

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.