Дмитрий Медведев Ағиҙел ҡалаһы кешеләрен орден һәм миҙалдар менән бүләкләне

Рәсәй Президенты Дмитрий Медведев ағымдағы йылдың 25 февралендәге 240-сы Указы менән Ағиҙел ҡалаһында йәшәүсе кешеләрҙе орден һәм миҙалдар менән бүләкләне. II дәрәжә «Ватан алдындағы ҡаҙаныштары өсөн» ордены миҙалы менән – Ринат Мәхмүтов һәм Индус Шәйәхмәтов, «Һәләкәткә осраусыларҙы ҡотҡарған өсөн» миҙалы менән Александр Апкаликов, Ҡәҙим Әхкәмов һәм Фирҙәүес Шәйхетдинов наградланды. Рәсәй Федерацияһының был юғары дәүләт наградаларына улар «Чернобыль атом электростанцияһындағы авария эҙемтәләрен бөтөрөүҙә күрһәткән фиҙаҡәрлек һәм юғары профессионализм өсөн» лайыҡ булды, тиелә документта.