Суббота, 3 Октября 2026

Уфа

+4 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Сәйәсәт

13:12 (UTC+5), 31 Октября 2011

Рөстәм Хәмитов Мәскәү вуздарында уҡыусы Башҡортостан студенттары менән осрашты

Рәсүл Хәмиҙуллин | фото: Андрей Старостин

27 октябрҙә илдең баш ҡалаһында Башҡортостан Президенты Рөстәм Хәмитов Мәскәү вуздарында уҡыусы Башҡортостан студенттары менән осрашыу үткәрҙе. Әңгәмә барышында республика башлығы үҙенең студент йылдары хәтирәләре менән бүлеште, Башҡортостандағы бөгөнгө хәл менән таныштырҙы, тормошҡа ашырылған проекттар, төбәктең алдағы йылдарға үҫеш перспективалары хаҡында һөйләне, шулай уҡ йәштәрҙең һорауҙарына яуап бирҙе. Был хаҡта Башҡортостан Президентының матбуғат хеҙмәтенән хәбәр иттеләр.

— Был осрашыуҙы ойошторорға Рәсәй Федерацияһы Президентының төрлө вуз студенттары менән осрашыуы сәбәп булды, - тине Рөстәм Хәмитов. – Башҡортостан Республикаһының әлеге торошо тураһында сыҡҡан бәхәс минең өсөн көтөлмәгәнлек булды. Һәм хеҙмәттәштәрем шул осрашыуҙа ҡатнашҡан студенттарҙы фекер алышыу өсөн бында саҡырҙы. Әммә бәхәсте башлап ебәреүсе – Наил Ниғмәтуллин бында булмағас, был хаҡта һөйләшеп тормаясаҡбыҙ. Бәлки, ҡасандыр уның менән бәйләнешкә сығып булыр. Әммә Башҡортостан Республикаһы Президенты саҡыра икән, осрашыуға килеп, борсоған мәсьәләләрҙе тикшереү, аңлашыу дөрөҫ булыр ине.

Башҡортостан Президенты республиканың күп милләтле төбәк булыуын билдәләне:

— Республикалағы милләт-ара мөнәсәбәттәргә килгәндә, хәлдең тотороҡло, тыныс булыуы хаҡында ышаныслы әйтә алабыҙ.

Республика башлығы төбәк өсөн милләт-ара мөнәсәбәттәрҙең түгел, ә иҡтисади мәсьәләләрҙең тәү урында тороуын билдәләне.

— Беҙҙә 50-60 йыл элек булдырылған иҡтисад тармаҡтары һуңғы ваҡытта яңырыу кисермәгән. Республика был йәһәттән йылдамыраҡ, әрһеҙерәк төбәктәрҙән артта ҡала башланы. Улар инвестициялар йәлеп итеп, заманса яңы предприятелар булдырып, халыҡтың иҡтисади әүҙемлеген арттырып, үҫеш юлына баҫты. Беҙҙә был йәһәттән эш алып барылманы. Нефть беҙҙе ҡотҡарыр, тип кенә әйтергә өйрәнгәнбеҙ, әммә моноиҡтисад ҡына үҫеш генераторы була алмай. Беҙгә инновациялар, заманса фән кәрәк.

Рөстәм Хәмитов әңгәмә барышында эш хаҡы тураһында ла әйтте:

— Ул бөгөн шул тиклем бәләкәй, хатта был хаҡта әйтеүе лә оят. Йәштәр өсөн эш урындары юҡ. Башҡортостанға ҡайтһағыҙ, мин һеҙгә эш хаҡы юғары булған, заманса, перспективалы эш урындары вәғәҙә итә алмайым.

Республика башлығы һүҙҙәренсә, Башҡортостан өсөн бөгөн иң мөһиме – халыҡты эш, лайыҡлы хеҙмәт хаҡы менән тәьмин итеү, шулай уҡ торлаҡ, һаулыҡ һаҡлау, мәғариф менән бәйле мәсьәләләрҙе хәл итеү.

— Быларҙың барыһы ла бик ауыр эшләнә. Ваҡыт кәрәк, халыҡтың, йәмғиәттең ярҙамы ла кәрәк, - тине Рөстәм Хәмитов. – Бер кеше генә быларҙы башҡара алмай. Йәмғиәттәре көслө булған, дуҫ йәшәүсе илдәр генә уңыштарға өлгәшә ала. Республикала милли, социаль һәм иҡтисади мәсьәләләр буйынса бүлгеләнеүҙәр булмаһын өсөн, шундай йәмғиәт булдырыу – минең бурыс.

1 из 20

#бр президенты #мәғариф #иҡтисад #милли сәйәсәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.