Илеш районында бер нисә яңы производство сафҡа индерелде

Людмила Терновая

Башҡортостанда «Берҙәм Рәсәй» партияһы көндәре дауам итә. Уҙған ял көндәрендә республиканың Илеш районы байрам сараларын үткәреү майҙанына әүерелде. Был хаҡта ER.RU хәбәр итә.

Рәсми делегация составына БР Хөкүмәте Премьер-министры урынбаҫары Фидус Ямалетдинов, Рәсәй Федерацияһы Дәүләт Думаһы депутаты Сәлиә Мырҙабаева, «Эшлекле Рәсәй» йәмәғәт ойошмаһының төбәк бүлексәһе рәйесе, партияның төбәк бүлексәһе ҡарамағындағы Эшҡыуарлыҡҡа ярҙам күрһәтеү һәм уны үҫтереү буйынса советы рәйестәше Рафаэль Мәрҙәншин инде.

Район үҙәгендә урынлашҡан «Берҙәм Рәсәй» партияһының төбәк йәмәғәт ҡабул итеү бүлмәһендә граждандар ҡабул ителде. Ошо уҡ көндө яңы баҙар майҙанында көҙгө ауыл хужалығы йәрминкәһе үтте. Республика райондары һәм ҡалалары хужалыҡтары һәм предприятиелары үҙҙәренең продукцияһын тәҡдим итте.

Делегация шулай уҡ Үрге Йәркәй ауылындағы 86-сы һөнәрселек лицейына барҙы, уҡыу йортонда класс-кабинеттарҙы, производство биналарын ҡарап сыҡты, 330-ға яҡын йәштәр белем алған лицей эшмәкәрлеге менән танышты. Лицейҙа эшләп килгән «Йәйғор» халыҡ бейеүҙәре ансамбле ҡунаҡтарҙы бейеүҙәре менән ҡыуандырҙы.

Берҙәм рәсәйлеләр «Берҙәм Рәсәй» көндәре сиктәрендә бер нисә производство объекттарын асыу тантанаһында ла ҡатнашты. Муниципаль район хакимиәте башланғысы менән асылған «Илеш икмәге» муниципаль унитар предприятиеһы комбинаты ла улар иҫәбендә. Производстволағы бөтә эштәр циклы ла автоматлаштырылған. Тәүге продукция сауҙа нөктәләре кәштәләренә оҙатылған. Комбинат тәүлегенә 20 төргә тиклем икмәк-ҡалас изделиелары сығарасаҡ, тип күҙаллана. Яҡын арала кондитер цехын асыу планлаштырыла.

Илеш районының Үрге Йәркәй ауылында Автомобилдәрҙе техник хеҙмәтләндереү үҙәге лә асылды. Үҙәк ауыл хужалығы техникаһы һатыу һәм йөк машиналарын хеҙмәтләндереү менән шөғөлләнәсәк. Байрам сиктәрендә райондағы Рысай ауылында фельдшер-акушерлыҡ пункты менән реконтрукциянан һуң яңыртылған ит комбинаты ла асылды.

#берҙәм рәсәй көндәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.