Воскресенье, 19 Июля 2026

Уфа

+19 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

11:32 (UTC+5), 18 Декабря 2009

Башҡортостанда Бәләкәй дәүләт идара итеү академияһы асылды

Эльмира Сабирова

Башҡортостанда Бәләкәй дәүләт идара итеү академияһы асылды. РФ Президентының Волга буйы федераль округындағы тулы хоҡуҡлы вәкиле Григорий Рапота инициативһы буйынса һәм Башҡортостан Президенты Мортаза Рәхимов ярҙамында асылған академия Башҡорт дәүләт университеты нигеҙендә эшләйәсәк. Республика юғары уҡыу йорттарының 30 студенты уның тәүге тыңлаусылары буласаҡ.

Асыу тантанаһында БР буйынса Баш федераль инспектор Петр Капишников, БР Президенты ҡарамағындағы Дәүләт советнигы Сергей Лаврентьев, БР Президенты Хакимиәте етәксеһе урынбаҫары Зәки Насиров, БДУ ректоры Мөхәмәт Харрасов ҡатнашты.

Үҙ һөнәре итеп дәүләт идара итеүен һайлаған студенттарҙы әҙерләүгә йүнәлтелгән тәүге бындай уҡыу йорттары 2006 йылда Түбәнге Новгородта һәм Пермдә барлыҡҡа килде, һәм хәҙер улар Волга буйы федераль округының бөтә 14 субъектында ла эшләй. Әйткәндәй, Бәләкәй дәүләт идара итеү академияһының 150 тыңлаусыһы дәүләт идаралығы органдарында эшләргә саҡырыу алды. Волга буйы федераль округының Бәләкәй дәүләт идара итеү академияһын тамамлаусы 500-гә яҡын кеше 2009 йыл йомғаҡтары буйынса федераль кадрҙар резервына индерелде лә инде.

БР буйынса баш федераль инспектор Петр Капишников, хәҙер власть органдарына йәш, дәртле, профессиональ кадрҙар бик тә кәрәк, тип һыҙыҡ өҫтөнә алды.

— Беҙгә һаулыҡ һаҡлау, мәғариф өлкәһендә һәм башҡа бөтә йүнәлештәр буйынса ла белемле идарасылар кәрәк, — тине Петр Николаевич.

Ул БР Президентына был проектты яҡлағаны өсөн рәхмәт белдерҙе. Һүҙен йомғаҡлап, Петр Капишников академия тыңлаусыларына РФ Президентының Волга буйы федераль округындағы Тулы хоҡуҡлы вәкиленең ҡотлауын уҡып ишеттерҙе.

— Бәләкәй идара итеү академияһы — бөгөн Волга буйы федераль округында эшләгән бик етди проект, — тине БР Президенты ҡарамағындағы Дәүләт советнигы Сергей Лаврентьев. – Беҙҙә бөтә тармаҡтар буйынса белгестәр әҙерләгән вуздар бар, Мәскәүҙә һәм башҡа төбәктәрҙәге кеүек идара итеү һәм дәүләт хеҙмәте академиялары бар. Әммә беҙгә урындарҙа эшләгән тәғәйен практиктар етешмәй. Сифатлы, профессиональ, һөҙөмтәле идара итеү өсөн белем генә түгел, профессиональ күнекмәләр ҙә мотлаҡ.

Йәштәр ике йыл буйына белем аласаҡ, практиканы дәүләт власы органдарында үтәсәк. Уҡыу аҙағында уларға йомғаҡлау һынауы үтергә кәрәк буласаҡ. Был ҡала һәм төбәк тормошоноң актуаль мәсьәләләре буйынса индивидуаль проектты халыҡ алдында яҡлау, ижтимағи эшмәкәрлектәге һөҙөмтәләрен һәм шәхси ҡаҙаныштарын күрһәтеү, идара итеү процестарын камиллаштырыу буйынса тәҡдимдәр булыуы мөмкин.

1 из 10

#мәғариф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.