Өфөлә 15 йәшлек Алина Мәһәҙиева 15 декабрҙә өйҙән сығып киткән дә ғәйеп булған. «Башинформ»ға уның яҡындары хәбәр итеүенсә, ҡыҙ туғандарынан Рәми Ғарипов исемендәге Башҡорт республика гимназия-интернатының дөйөм ятағына ҡайтып етмәгән.
— Ул ял көндәрендә Степан Злобин урамында йәшәгән ағаһы янында ҡунаҡта булғандан гимназияның дөйөм ятағына йүнәлгән, ләкин ҡайтып етмәгән. Әле телефоны һүнгән. Ул тыныс холоҡло ҡыҙ. Һәр саҡ бәйләнештә, — ти уҡыусының апаһы Нәфисә.
Ҡыҙҙы «Лиза Алерт» ирекмәндәре лә эҙләй.
Билдәләре: буйы 170 сантиметр, ҡаҡса кәүҙәле.
Оҙон ҡара куртка, ҡолаҡсынлы башлыҡ кейгән.
Юғалған ҡыҙҙың ҡайҙа икәнлеген белгәндәрҙең барыһын да 8-347-284-66-09 йәки 112 телефондары буйынса хәбәр итеүҙәрен һорайҙар.