Маврикий утрауында юғалған Учалы ҡыҙын үле килеш тапҡандар. 29 йәшлек Зәлиә Шәмиғолова бысаҡ менән сәнсеп үлтерелгән.
Был хаҡта бөгөн иртән урындағы lexpress.mu яңылыҡтар сайты хәбәр итә. Мәйетте Вакоа-Феникс ҡалаһының Ля-Мари районында күмеп ҡуйғандар. Полиция енәйәттә ҡылыуҙа шикле әҙәмде тотҡан. Ҡыҙҙың кәүҙәһен Флик-ан-Флак ҡалаһының енәйәтте тикшереү бүлеге хеҙмәткәрҙәре тапҡан.
Хәтерегеҙгә төшөрәбеҙ, Зәлиә Шәмиғолова 17 августа эҙһеҙ юғалғайны. Уның юғалыуы тураһында ғариза менән урындағы полицияға ҡыҙҙың әхирәте мөрәжәғәт иткән. Яҡташыбыҙҙы һуңғы тапҡыр фатир хужабикәһе күргән, ҡыҙ осрашып йөрөгән егетенең машинаһына ултырып киткән. Автомобиль рулендә егеттең дуҫы ултырған, ул иһә Зәлиәнең юғалыуында ҡатнашыуы булмауын әйткән.