Башҡортостанда ҡотҡарыусылар шәхси йортта ҙур һағыҙаҡ ояһын алып ташлаған

Кисә республика ҡотҡарыусылары Салауат районында шәхси йорт биләмәһенән ҙур һағыҙаҡ ояһын алып ташлаған. Ярҙам күрһәтеү өсөн улар Татар Малаяҙ ауылының Халиҡов урамындағы йортта йәшәүселәргә юллана.

Республиканың Ғәҙәттән тыш хәлдәр буйынса дәүләт комитетының матбуғат хеҙмәте мәғлүмәттәре буйынса, һағыҙаҡ ояһы йорт яны ҡоролмаһының түшәмендә урынлашҡан. Ҙурлығы арҡаһында йәшәүселәр өсөн хәүеф тыуҙыра. Ҡотҡарыусылар һағыҙаҡ ояһын һаҡ ҡына алып, баҫыуға алып сыға.

Бынан алда Башҡортостандың «Шүлгәнташ» ҡурсаулығына йәнә айыуҙар килгәйне.

Авторы: Ксения Калинина

https://www.bashinform.ru/news/social/2024-08-07/v-bashkirii-v-chastnom-dome-spasateli-ubrali-ogromnoe-osinoe-gnezdo-3875840