Свердловск өлкәһенең Качканар ҡалаһында яҡташыбыҙ ҡатнашлығында юл-транспорт ваҡиғаһы теркәлгән. Авария 13 майҙа көндөҙ предприятие биләмәһендә теркәлгән, тип хәбәр итә «Екатеринбург яңылыҡтары» телеграм-каналы.
БелАЗ водителе юлдан ситкә төшөп киткән. ЮХХДИ хәбәр итеүенсә, 37 йәшлек водитель артҡа биргәндә булған был хәл.
Ир табиптар килгәнсе йән биргән. Водителдең Башҡортостандан, тракторсы-машинист стажы өс йыл булыуы асыҡланған.