Белоретта кисә кискеһен ишле ғаилә йәшәгән ағас йортто ут ялмап алған, тип хәбәр иттеләр «Башинформ»ға Рәсәй Ғәҙәттән тыш хәлдәр министрлығының Башҡортостан буйынса баш идаралығының матбуғат хеҙмәтенән.
Янғын тураһында хәбәр килгәндән һуң 27 минут эсендә утты һүндергәндәр.
«Зыян күреүселәр юҡ. Ата-әсә һәм дүрт бала туғандарына урынлаштырылған. Янғын сәбәптәре асыҡлана», — тип өҫтәне ҡотҡарыусылар.