Нуғай шоссеһында граната шартлатырға йыйынған ир СИЗО камераһында үҙ-үҙенә ҡул һалған

Нуғай шоссеһында граната шартлатырға йыйынған ир СИЗО камераһында үҙ-үҙен үлтергән.

Башҡортостан Республикаһының Йәмәғәт күҙәтеү комиссияһы рәйесе Олег Галин «Башинформ»ға был хәлдең кисә булғанын хәбәр итте. Ҡулға алынған хәрби камерала япа-яңғыҙы булған. Әле тәфтиш алды тикшереүе бара.

Хәтерегеҙгә төшөрәбеҙ, Илдар Б. 2 августа Өфө янындағы Нуғай шоссеһында яғыулыҡ ҡойоу станцияһы янында граната менән янаны. Нуғайға тиклем хәрәкәт ябылды, ҙур тығын барлыҡҡа килде. Урында махсус хеҙмәттәрҙең хеҙмәткәрҙәре эшләне. Һуңынан ул үҙенең саҡырыуы буйынса ваҡиға урынына килгән Радий Хәбиров менән һөйләшкәндән һуң хоҡуҡ һаҡсыларына бирелде. Шартлатҡысты Рәсәй гвардияһы хеҙмәткәрҙәренә тапшырҙылар. Билдәле булыуынса, ир үҙ белдеге менән хәрби часты ҡалдырған һәм уға ҡарата енәйәт эше асылған булған. Тикшереү барышында уны Өфөгә ҡайтарғандар, ләкин һуңынан ул ҡасҡан.

11 августа Башҡортостан Республикаһының Йәмәғәт күҙәтеү комиссияһы баш ҡаланың тәфтиш изоляторында Илдар янында барҙы. Олег Ғәлин һүҙҙәренсә, махсус хәрби операцияла ҡатнашҡан ир комиссияға үҙендә онкология булыу-булмауын асыҡлау (кире ҡағыу) өсөн медицина экспертизаһын үткәреү ҙе һорап мөрәжәғәт иткән.

https://www.bashinform.ru/news/law/2023-08-30/grozivshiysya-vzorvat-granatu-na-nagaevskom-shosse-muzhchina-pokonchil-s-soboy-v-kamere-sizo-3412775