Стәрлетамаҡ районында 30 мартта иртән Стәрлетамаҡ-Раевка автомобиль юлының 33-сө саҡрымында «Форд Мондео» «УАЗ» ашығыс ярҙам автомобиле менән бәрелешкән. Башҡортостан Республикаһы буйынса ЮХХДИ-ның матбуғат хеҙмәтенән хәбәр итеүҙәренсә, «Форд» водителе алған йәрәхәттәрҙән авария урынында йән биргән. «УАЗ» водителе һәм уның ике пассажирына медицина ярҙам талап ителгән.
Ваҡиға урынында ЮХХДИ хеҙмәткәрҙәре һәм башҡа махсус хеҙмәттәр эшләй. Фажиғә сәбәптәре асыҡлана.