Ҡырмыҫҡалы районында 11 февралдә иртән Олокүл — Ҡабаҡ — Һыуыҡ шишмә автомобиль юлының 28-се саҡрымында мәктәп автобусы ҡатнашлығында юл-транспорт ваҡиғаһы теркәлгән.
Республика Дәүләт автоинспекцияһының матбуғат хеҙмәте хәбәр итеүенсә, Шишмә районынан 22 йәшлек ҡатын идара иткән «ВАЗ-2114» менән рулдә 47 йәшлек ир ултырған «ПАЗ» мәктәп автобусы бәрелешкән. Машиналар йәмшәйгән. Билдәле булыуынса, салонда пассажирҙар булмаған. Был факт буйынса тикшереү башланған.
https://www.bashinform.ru/news/law/2022-02-11/v-bashkirii-shkolnyy-avtobus-popal-v-dtp-2688943