Йәйәүлеләргә юл биреүҙән баш тартҡан өсөн штраф 2,5 мең һумға тиклем артасаҡ

ӨФӨ, 2017 йыл, 19 июнь. /«Башинформ» мәғлүмәт агентлығы, Ольга Мортазина/. Дәүләт Думаһы үткәүелдәрҙә йәйәүлегә өҫтөнлөк бирмәгән өсөн штрафтың максималь күләмен арттырыу тураһында закон ҡабул итте. Быға тиклем ул 1,5 мең һум ине, хәҙер — 2,5 мең һум. Был хаҡта «Российская газета» хәбәр итә. Хөкүмәт әҙерләгән закон проекты йәйәүлеләр үткәүелендә аварияларҙың артыуына нигеҙләнгән. Йәйәүлеләр өсөн юл хәрәкәте ҡағиҙәләрен боҙған өсөн яза әлегә үҙгәрмәгән: уларға иҫкәртеү яһала йәки 500 һум штраф һалына.