Мәскәүҙә беренсе курстарҙы студентлыҡҡа бағышлау кисәһе үтте

Мәскәүҙә Башҡортостандан беренсе курс студенттарын тантаналы рәүештә бағышлау — «БашПерваш 2025» байрамы үтте. Сараны ойоштороусы - Башҡортостандың Рәсәй Президенты ҡарамағындағы Тулы хоҡуҡлы вәкиллеге булышлығында республика студенттары һәм аспиранттары ассоциацияһы.

Йыл һайын уҙғарылған фестиваль Башҡортостанда тыуып үҫкән студенттарға Мәскәү вуздарында уҡыуға яраҡлашырға ярҙам итә, тыуған төйәк менән бәйләнештәрҙе нығыта һәм милли традицияларҙы үҫтерә. Башҡортостандың Тулы хоҡуҡлы вәкиллегендә үткән асыу тантанаһы сараның мөһим өлөшө булды, унда республика һәм баш ҡала етәкселеге вәкилдәре сығыш яһаны.

Байрам программаһында концерттар, Мәскәүҙең «Алтын ай» башҡорт бейеүҙәре ансамбле сығыштары, шулай уҡ баш ҡаланың иҫтәлекле урындары буйлап мауыҡтырғыс экскурсиялар бар ине. Рәсми өлөштән һуң Мәскәүҙең Йәмәғәтселек бәйләнештәре һәм йәштәр сәйәсәте комитетының коворкингтар селтәре майҙансығында байрам кисәһе үтте, унда «Иң яҡшы беренсе курс студенты — 2025» конкурсы булды. Интерактив квестың иң яҡшы командаларына бүләктәр тапшырылды.

https://www.bashinform.ru/news/obrazovanie/2025-10-20/v-moskve-proshlo-posvyaschenie-v-studenty-pervokursnikov-iz-bashkirii-4433916