Башҡортостанда йәшәүселәрҙе килемгә һалым түләргә саҡырҙылар
Яңы йылдан сираттағы һалым кампанияһы башлана.
Декабргә тиклем рәсәйҙәр мөлкәт һалымын түләргә тейеш ине, хәҙер килемгә һалым (2025 йылда алғандарға) түләргә ваҡыт етте. Декларацияны 30 апрелдән дә һуңға ҡалмайынса тапшырырға кәрәк.
Федераль һалым хеҙмәтенең республика буйынса идаралығынан хәбәр итеүҙәренсә, был иһә күсемһеҙ милекте һатыуҙан, мөлкәтте (күсемһеҙ милекте, транспортты, акцияларҙы) бүләк итеп алыуҙан, сит ил сығанаҡтарынан, отоштан алынған килем.
Шулай уҡ шәхси эшҡыуарҙар, нотариустар, адвокаттар һәм башҡа шәхси практика менән шөғөлләнеүселәр килем тураһында декларация тапшыра.
Һалымды 15 июлгә тиклем түләү зарур.
Хәбәр иткәнебеҙсә, Башҡортостанда йәшәүселәргә 7,72 миллиард һум мөлкәт һалымы иҫәпләнгән. Яҡынса мәғлүмәттәр буйынса, 2025 йылдың 1 декабренә 6,57 миллиард һумы түләнгән.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.