Быйыл оливье индексы инфляциянан түбәнерәк

«Чек.Индекс» платформаһы эксперттары ноябрҙә оливье индексын иҫәпләп сығарған. Сығымдар элекке «совет» рецепты буйынса дүрт порция өсөн иҫәпләнгән. Бының өсөн 500 грамм картуф, 200 грамм кишер, 5 йомортҡа, 300 грамм бешерелгән колбаса, 100 грамм һуған, бер банка борсаҡ, 400 грамм маринадланған ҡыяр, 200 грамм майонез, 50 грамм укроп йәки петрушка кәрәк. Магазиндағы уртаса хаҡҡа ҡарағанда, йыйылма 575 һум тәшкил иткән (былтырғыға ҡарағанда 5%, йәки 26 һумға ҡыйбат).

Картуф, һуған, йомортҡаның хаҡы уҙған йылға ҡарағанда арзаныраҡ, башҡа ингредиенттар бер аҙ ҡиммәтерәк. Оливье өсөн аҙыҡ-түлек йыйылмаһы ҡиммәтләнһә лә, ул инфляциянан түбәнерәк (октябрь йомғаҡтары буйынса илдә ул йылына 7,7% тәшкил иткән).

https://www.bashinform.ru/news/economy/2025-12-04/indeks-olivie-v-etom-godu-nizhe-inflyatsii-4493402