Республикала төп капиталға инвестициялар күләме дүрттән бер өлөшкә артҡан

2024 йылдың 9 айы йомғаҡтары буйынса, Башҡортостанда төп капиталға инвестициялар 462,5 миллиард һум тәшкил иткән. Хөкүмәттең оператив кәңәшмәһендә республика етәксеһе Радий Хәбиров Росстат мәғлүмәттәренә һылтанма менән ошо турала белдерҙе.

«Беҙҙең инвестициялар артты. Алты йыл рәттән ошондай ыңғай динамика күҙәтелә»,  — тине Хәбиров.

Сағыштырыу өсөн, 2023 йылда был күрһәткес 325,4 миллиард һумға тиң ине. Транспортировкала һәм һаҡлауҙа, ғилми эшмәкәрлектә, мәҙәниәттә һәм спортта, мәғлүмәттә һәм элемтәлә, эшкәртеүсе производстволарҙа, һаулыҡ һаҡлауҙа, күсемһеҙ милектә һәм сауҙала ыңғай динамика бар.

Бынан алдараҡ инвесторҙар Башҡортостандың дәүләт-шәхси партнерлыҡ проекттарына 104 миллиард һум аҡса һалғайны.

https://www.bashinform.ru/news/economy/2024-12-02/investitsii-v-osnovnoy-kapital-v-bashkirii-sostavili-462-5-mlrd-rubley-4033073